Վրաստանի Մէջ Հակառուսական Ցոյցերը Կը Շարունակուին

0625grg

0625grg

ԹԻՖԼԻՍ, «Ռոյթըրզ».- Անցնող շաբաթավերջին, հակառուսական ցոյցերը շարունակուեցան Վրաստանի մէջ, մինչ Ռուսիոյ նախագահ Վլատիմիր Փութին ստորագրեց հրամանագիր մը, որուն հիմամբ ռուսական օդանաւային ընկերութիւններուն կ՛արգիլէ 8 Յուլիսէն սկսեալ Ռուսիոյ քաղաքացիները փոխադրել Վրաստանի տարածք:

Այս մասին հրապարակուած Քրեմլինի հաղորդագրութեան մէջ կը նշուի նաեւ, որ հրամանագիրը ստորագրուած է՝ մեկնելով Ռուսիոյ եւ անոր քաղաքացիներու ապահովութեան պահպանման նկատառումներէն եւ պիտի գործէ ժամանակաւորապէս:

Միւս կողմէ, Վրաստանի մէջ Հայաստանի դեսպանատունը կը տեղեկացնէ, թէ Թիֆլիսի մէջ տեղի ունեցած բողոքի ցոյցերուն ընթացքին 350 ձերբակալուածներու շարքին կայ Հայաստանի քաղաքացի Մինաս Մինասեան:

Ցոյցերը սկսած էին անցեալ շաբաթ, երբ Վրաստանի խորհրդարանին մէջ տեղի ունեցած միջխորհրդարանական վեհաժողովին ընթացքին, նիստը նախագահող ռուս երեսփոխան Սերկէյ Կաւրիլով նստած էր Վրաստանի խորհրդարանի նախագահի աթոռին, զայրացնելով ներկայ ընդդիմադիր երեսփոխանները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top