Քուինթերօ Նշանակուեցաւ Կլենտէյլի Քաղաքապետական Խորհուրդի Անդամ

0625Quintero

0625Quintero

ԿԼԵՆՏԷՅԼ.- Կլենտէյլի քաղաքապետական խորհուրդը Ուրբաթ, 21 Յունիսին, միաձայնութեամբ որոշեց նախկին քաղաքապետ Ֆրենք Քուինթերօն նշանակել խորհուրդի անդամ, լեցնելու համար Զարեհ Սինանեանի հրաժարումով 7 Յունիսին թափուր մնացած աթոռը։

Քուինթերօ, որ առաջին անգամ 2001ին ընտրուած էր Կլենտէյլի քաղաքապետական խորհուրդի անդամ, մէկն է այն 45 քաղաքացիներէն, որոնք իրենց թեկնածութիւնը դրած էին այս պաշտօնին։

Կլենտէյլի Հայ Դատի յանձնախումբը կոչ ըրած էր՝ ժողովրդային ընտրութեամբ լեցնելու թափուր աթոռը, սակայն քաղաքապետական խորհուրդը խնայողութեան նկատառումներով նշանակման ընտրանքին դիմեց։

Քաղաքապետ Արա Նաճարեան վստահեցուց, որ Քուինթերոյի երկարամեայ արհեստավարժ փորձառութիւնը յատկանշական նպաստ պիտի բերէ քաղաքին։

Կլենտէյլի յաջորդ ընտրութիւնները տեղի պիտի ունենան Մարտ 2020ին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top