Արցախի Տագնապի Կողմերուն Միջեւ Կը Մնան Լուրջ Տարակարծութիւններ. Մամետեարով

0625mamed

0625mamed

ԵՐԵՒԱՆ, «Ազատութիւն».- «Ուաշինկթընի մէջ տեղի ունեցած բանակցութիւններուն ընթացքին ԵԱՀԿի Մինսկի խմբակի համանախագահները դարձեալ ներկայացուցին փաստաթուղթերը, որոնք նախապէս քննարկուած էին», յայտարարեց Ատրպէյճանի արտաքին գործոց նախարար Էլմար Մամետեարով՝ պատասխանելով ատրպէյճանական «Թուրան» լրատու գործակալութեան հարցումներուն՝ մեկնաբանելու Հայաստանի արտաքին գործոց նախարար Զօհրապ Մնացականեանի հետ 20 Յունիսին տեղի ունեցած հանդիպումը։

«Մենք պէտք է բովանդակային բանակցութիւններ վարենք: Այժմ մենք կ՛աշխատինք համանախագահներուն 9 Մարտին հրապարակած յայտարարութեան հիման վրայ: Այդ փաստաթուղթին կարգ մը դրոյթներուն հետ մենք համաձայն ենք, այլ դրոյթներու հետ՝ ոչ», նշեց Մամետեարով՝ պնդելով, որ այդ յայտարարութեան համաձայն հայկական զօրքերը պէտք է դուրս բերուին «ատրպէյճանական գրաւեալ տարածքներ»էն:

Ան նաեւ շեշտեց, թէ Արցախի տագնապին կարգաւորումը պէտք է փուլային ըլլայ, նոյն ժամական ընդունելով, որ կողմերուն միջեւ կը մնան բաւական լուրջ տարակարծութիւններ:

«Հայկական կողմը ամէն առիթով շրջանառութեան մէջ կը դնէ ապահովութեան եւ Լեռնային Ղարաբաղի կարգավիճակին մասին հարցեր: Ապահովութեան պարագային, տարածաշրջանին մէջ խաղաղապահ ուժեր կարելի է տեղակայել», յայտարարեց ան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top