Արտակ Ապիտոնեանի Հանդիպումները Վիեննայի Մէջ  

0627Vienna

 

0627Vienna

ԵՐԵՒԱՆ, «Արմէնփրէս».- Հայաստանի արտաքին գործոց նախարարի տեղակալ Արտակ Ապիտոնեան 24 եւ 25 Յունիսին, Վիեննայի մէջ, հանդիպումներ ունեցաւ ԵԱՀԿի մամլոյ ազատութեան հարցերու ներկայացուցիչ Հարլեմ Տեզիրի եւ ՄԱԿի Թմրանիւթերու եւ յանցաւորութեան դէմ պայքարի գրասենեակի (UNODC) գործադիր տնօրէն, ՄԱԿի Վիեննայի գրասենեակի գլխաւոր տնօրէն Եուրի Ֆետոթովի հետ։

Հարլեմ Տեզիրի հետ հանդիպումին ընթացքին կողմերը բարձր գնահատեցին ԵԱՀԿի մամլոյ ազատութեան հարցերու ներկայացուցիչի գրասենեակի եւ Հայաստանի համապատասխան պետական մարմիններուն միջեւ հաստատուած սերտ եւ արդիւնաւէտ համագործակցութիւնը, երկրին մէջ խօսքի եւ մամուլի ազատութեան ապահովման ուղղութեամբ կառավարութեան կողմէ ձեռնարկուող ջանքերը:

Արտակ Ապիտոնեան վերահաստատեց Հայաստանի կառավարութեան յանձնառութիւնը՝ շարունակելու ժողովրդավարութեան ամրապնդման ուղղուած բարեփոխումները՝ այդ պարունակին մէջ կարեւոր նկատելով ազատ մամուլի դերակատարութիւնը:

Զրուցակիցները միտքեր փոխանակեցին Հայաստանի եւ միջազգային կառոյցներու միջեւ համագործակցութեան վերաբերեալ եւ երկուստեք ընդգծեցին այդ ուղղութեամբ արդիւնաւէտութեան հետագայ բարձրացման կարեւորութիւնը:

Եուրի Ֆետոթովի հետ հանդիպման ընթացքին արտաքին գործոց նախարարի տեղակալը ներկայացուց Թաւշեայ յեղափոխութենէն ետք Հայաստանի մէջ ընթացող բարեփոխումներու գործընթացը, նաեւ՝ թմրեցուցիչի եւ յանցագործութեան դէմ պայքարի ծիրին մէջ։

Արտակ Ապիտոնեան ընդգծեց, որ Հայաստանի եւ Թմրանիւթերու եւ յանցաւորութեան դէմ պայքարի գրասենեակին միջեւ սերտ համագործակցութիւնը կարեւոր նշանակութիւն ունի Հայաստանի կառավարութեան բարեփոխումներու օրակարգին աջակցելու առումով՝ մասնաւորապէս փտածութեան եւ յանցաւորութեան դէմ պայքարի, ինչպէս նաեւ թմրանիւթերու ապօրինի շրջանառութեան կանխարգելման ուղղութեամբ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top