Ուաշինկթըն Կը Փորձէ Խանգարել Ռուսիա-Վրաստան Յարաբերութիւնները. Լաւրով

0627grg

0627grg

ԹԻՖԼԻՍ, ՄՈՍԿՈՒԱ, «Ռոյթըրզ».- Վրաստանի խորհրդարանի անդամները 26 Յունիսին որոշեցին խլել ընդդիմադիր երեսփոխան Նիքա Մելիայի անձեռմխելիութիւնը, անցեալ շաբաթ ռուս երեփոխանի մը վրայ խորհրդանին մէջ տեղի ունեցած յարձակումին համար։

Մէկ օր առաջ, իշխող կուսակցութեան ներկայացուցիչ Արչիլ Թալաքվածէ ընտրուցաւ օրէնսդիր մարմինի նոր նախագահը: Միասնական ազգային շարժում ընդդիմադիր կուսակցութեան երեսփոխանները քուէարկութեան չմասնակցեցան, այլ նիստերու դահլիճը լքեցին՝ բողոքելով, որ օրակարգին վրայ չէ ներառուած Վրաստանի ներքին գործոց նախարար Կէորկի Կախարիայի հրաժարականի հարցը:

Թալաքվածէ ցարդ խորհրդարանին մէջ կը վարէր խորհրդարանական մեծամասնութեան ղեկավարի պաշտօնը: Ուրբաթ օր, խորհրդարանի նախագահ Իրաքլի Քոպախիծէի հրաժարականէն ետք, անոր թեկնածութիւնը իշխող կուսակցութեան կողմէ առաջադրուեցաւ:

Միւս կողմէ, Ռուսիոյ արտաքին գործոց նախարար Սերկէյ Լաւրով մամլոյ ասուլիսի մը ընթացքին յայտարարեց, թէ Մոսկուա կասկածներ ունի, որ Ուաշինկթըն կը փորձէ խանգարել Ռուսիոյ եւ Վրաստանի յարաբերութիւնները բնականոնացնելու ջանքերը:

«Մեր ամերիկացի գործընկերները կը փորձեն ամէն ինչ ընել, որպէսզի Ռուսիոյ եւ Վրաստանի միջեւ յարաբերութիւններու բնականոնացում չարտօնեն, իսկ այդ բնականոնացումը վերջին տարիներուն սկսած էր ակներեւ դառնալու», ըսաւ ան:

Լաւրով յայտարարեց, որ Մոսկուա երբեք չէ դադրեցուցած Թիֆլիսի հետ քաղաքական հաղորդակցութիւնները եւ օգտակար կը նկատէ գոյութիւն ունեցող երկխօսութեան ձեւաչափերը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top