Պիտի Գտնենք Սփիւռքը Հայաստանի Կեանքին Մասնակից Դարձնող Արդիւնաւէտ Ճանապարհներ. Զարեհ Սինանեան  

0627zareh

 

0627zareh

ԵՐԵՒԱՆ.- Ըստ Սփիւռքի գործերու գլխաւոր յանձնակատար Զարեհ Սինանեանի՝ արդար դատական համակարգի կայացումը, տնտեսութեան բարելաւումը եւ մենաշնորհներու վերացումը գործնական քայլեր են, որոնք կրնան խթանել հայրենադարձութիւնը:

«Հայաստանի Հանրապետութիւն» օրաթերթին տուած հարցազրոյցին ընթացքին, ան ըսաւ. «Պետութիւնը, հասարակութիւնը պէտք է պատրաստ ըլլան հայրենադարձութեան: Բացառութեամբ ուժային իրավիճակներու, եթէ Հայաստանը կարենայ ապահովել լուրջ թիւերով հայրենադարձութիւն, անիկա ինքնին կը խօսի պետականութեան կայացման, ուժեղացման, նաեւ կառավարման յաջողութեան մասին: Իսկ այս բոլորին համար նախ եւ առաջ մենք պէտք է դիւրացնենք հայրենադարձուելու գործընթացը, վերցնենք արհեստական խոչընդոտները, բարելաւենք օրէնսդրական դաշտը: Հայրենադարձութիւն արդէն գոյութիւն ունի. անիկա հսկայական ծաւալներու չի հասնիր, բայց մարդիկ կու գան, նաեւ իմ օրինակը կրնայ ոգեշնչել: Հայրենադարձութեան պատրաստուելու համար պէտք է ուսումնասիրենք միջազգային փորձառութիւնը:

Սփիւռքը կ՛ուզէ մասնակցիլ Հայաստանի կեանքին. մենք պիտի գտնենք ճիշդ, արդիւնաւէտ ճանապարհները, եւ, բնականաբար, այս ընթացքին Հայաստանի մէջ արդար, մարդակեդրոն, հայաստանակեդրոն եւ քաղաքացիակեդրոն հասարակարգի ստեղծումը կարեւորագոյն նախապայմանն է»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Վռամ said:

    «Կարեւորագոյն նախապայման»ը Փաշինեանի ոխակալ մտածելակերպի, ատելապաշտ գործելաձեւի եւ համակարծիք չեղողները ստորացնել փորձող բառամթերքի վերացումն է: Հրաշքներու հաւատա՞նք…:

*

Top