Գիտնականները Էլեկտրոնային Սիգարետի Մասին

0000TATEVOSIAN

0000TATEVOSIAN

Էլեկտրոնային սիգարետը յաճախ դիտարկւում է որպէս հասարակ ծխախոտին փոխարինող անվնաս տարբերակ, սակայն իրականում այս սարքերը բնաւ անվտանգ չեն: Մասնագէտները ներկայացրել են, թէ ինչ վտանգաւոր յատկութիւններով են օժտուած էլեկտրոնային սիգարետները:

Այժմ շատ կանայք յղիութեան ընթացքում օգտագործում են էլեկտրոնային ծխախոտներ՝ համարելով դրանք աւելի անվնաս, սակայն 2018 թուականին անցկացուած հետազօտութիւնը ցոյց է տուել, որ իրականում դրանցում պարունակուող նիկոտինը բացասաբար է անդրադառնում երեխայի գլխուղեղի ու թոքերի զարգացման վրայ:

Էլեկտրոնային ծխախոտները կարող են պարունակել մանրէային թոյներ, որոնք կապուած են առողջական տարբեր խնդիրների, այդ թւում նաեւ ասթմայի, թոքերի աշխատանքի վատացման ու թոքաբորբի զարգացման հետ: Հարվարդի համալսարանի գիտնականները հետազօտել են էլեկտրոնային ծխախոտների 75 յայտնի տեսակ ու դրանց համար նախատեսուած հեղուկները: Պարզուել է, որ դրանցից 27ի մէջ պարունակւում են մանրէային թոյների հետքեր, իսկ 81 տոկոսի մէջ կային այլ վնասակար նիւթեր:

Նիկոտին պարունակող էլեկտրոնային ծխախոտների գործածութիւնը ոչ միայն արգելակում է շնչուղիները լորձից մաքրելու գործընթացը, այլեւ բարձրացնում է մնայուն հիւանդութիւնների զարգացման հաւանականութիւնը: Ընդամէնը մէկ անգամ նման սիգարետի գործածութիւնից յետոյ թոքերում աւելի շատ նիկոտին է յայտնւում, քան հասարակ ծխախոտ ծխելուց յետոյ: Դրանցում պարունակուող հոտաւէտիչները բարձրացնում են սրտանօթային հիւանդութիւնների զարգացման հաւանականութիւնը: Յատկապէս վտանգաւոր են դարչնի ու մենթոլի բոյր ապահովող նիւթերը:

Կրաւորական «ծխել»ը շատ վնասակար է երեխաների համար, անգամ այն դէպքում, երբ նրանց ծնողները կիրառում են էլեկտրոնային ծխախոտ: Շատերը չգիտեն այս սարքերի նման ազդեցութեան մասին, ուստի շարունակում են ծխել այն վայրերում, որտեղ երեխաներ են գտնւում:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top