Ստեփանակերտի Ողջոյնը

0712ANCA_House_Chu_Amendment

0712ANCA_House_Chu_Amendment

«ԱՍՊԱՐԷԶ»

 

Արցախի արտաքին գործոց նախարարութիւնը ողջունեց Ամներիկայի Միացեալ Նահանգներու  ներկայացուցիչներու տան կողմէ «Ազգային պաշտպանութեան յատկացումներու մասին» օրէնքին մէջ քոնկրեսական Ճուտի Չուի ներկայացուցած առաջարկի ընդունումը:

Ստորեւ՝ Արցախի արտաքին գործոց նախարարութեան անդրադարձը սոյն առաջարկի վաւերացման առիթով.

«Ողջունում ենք ԱՄՆ ներկայացուցիչների պալատի կողմից «Ազգային պաշտպանութեան բիւջետային յատկացումների մասին» օրէնքում կոնգրեսական Ջուդի Չուի ներկայացրած փոփոխութեան ընդունումը, որը վերահաստատում է «Էնգել-Ռոյս նախաձեռնութեան» կարեւորութիւնը՝ միտուած Արցախի եւ Ադրբեջանի զինուած ուժերի միջեւ շփման գծում լարուածութեան թուլացմանը: Մասնաւորապէս, փաստաթուղթը նախատեսում է շփման գծից դիպուկահարների, ծանր զինտեխնիկայի եւ նոր զինատեսակների հետքաշում, ինչպէս նաեւ հրաձգութիւնների տեղորոշման համակարգերի ներդրում եւ ԵԱՀԿ գործող նախագահի անձնական ներկայացուցչի գրասենեակի անձնակազմի ընդլայնում:

Համոզուած ենք, որ հրադադարի հետեւողական ամրապնդումը, այդ թւում՝ միջազգային վերահսկման գործիքակազմերի ներդրման միջոցով, կը նպաստի խաղաղ կարգաւորմանն ուղղուած արդիւնաւէտ բանակցութիւնների համար բարենպաստ մթնոլորտի ստեղծմանը:

Արցախեան կողմը բազմիցս ընդգծել է խաղաղ գործընթացը շարունակելու համար պայմանների ստեղծման կարեւորութիւնը եւ հանդէս եկել շփման գծում լարուածութեան թուլացման եւ վստահութեան ամրապնդման միջոցառումների իրականացման վերաբերեալ տարբեր կառուցողական նախաձեռնութիւններով: Որպէս վերջին օրինակներից մէկը կարելի է նշել պաշտօնական Ստեփանակերտի պատրաստակամութիւնը‘ միջազգային միջնորդներին տրամադրել արցախեան կողմի տեղադրած սահմանային իրավիճակի տեսահսկման համակարգի տուեալները: Աւելին, շփման գծի մշտական տեսադիտարկման տուեալ համակարգը կարող է դառնալ հրադադարի ռեժիմի վերահսկման միջազգային մեխանիզմի բաղկացուցիչ մաս:

Դժբախտաբար, ադրբեջանական կողմը հետեւողականօրէն մերժում է ինչպէս արցախեան կողմի, այնպէս էլ միջնորդների կողմից արուած առաջարկութիւնները՝ միտուած ադրբեջանա-ղարաբաղեան հակամարտութեան գօտում լարուածութեան նուազեցմանը, այդ թւում՝ ԱՄՆ կոնգրեսականներ Էդ Ռոյսի եւ Էլիոտ Էնգելի նախաձեռնութիւնը, որն ԱՄՆ Կոնգրեսում երկու կուսակցութիւնների կողմից մեծ աջակցութիւն ստացաւ:

Յուսով ենք, որ կոնգրեսական Ջուդի Չուի կողմից ներկայացուած փոփոխութիւնը նոր խթան կը հանդիսանայ «Ռոյս-Էնգել առաջարկութիւնների» իրականացման համար»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top