«Հայը Եւ Հայաստանը Աստուածաշունչին Մէջ» Հատորին Ներկայացում Ալթատինայի Մէջ

0000Armenian Bible

0000Armenian Bible

ԱԼԹԱՏԻՆԱ.- Կազմակերպութեամբ Թէքէեան Մշակութային Միութեան Փասատինա-Կլենտէյլ մասնաճիւղին, Կիրակի, 14  Յուլիսին, երեկոյեան ժամը 5էն սկսեալ, տեղի պիտի ունենայ հանրային հանդիպում մը՝ «Հայը Եւ Հայաստանը Աստուածաշունչին Մէջ» նոր հրատարակուած հատորին հեղինակ դոկտ. Յովհաննէս Ահմարանեանի հետ:

Հատորը պիտի ներկայացուի Գէորգ Քէօշկէրեանի կողմէ:

«Հայը Եւ Հայաստանը Աստուածաշունչին Մէջ» գիրքը կը նկատուի այժմէական եւ գիտելիքներով հարուստ աշխատասիրութիւն մը: Սկսելով Ծննդոցէն՝ հատորը մանրամասնօրէն ցոյց կու տայ հայուն եւ Հայաստանի մասին նշումները Աստուածաշունչին մէջ:

Դոկտ. Յովհաննէս Ահմարանեան ծնած է Պէյրութ, Լիբանան: Իր երկրորդական ուսումը ստացած է Զմմառու վանքին մէջ, ապա Հռոմի մէջ շարունակած է փիլիսոփայութեան եւ աստուածաբանական դասընթացքները: Ան հեղինակ է բազմաթիւ եւ բազմալեզու գիրքերու, ինչպէս նաեւ հրատարակութեան համար ունի պատրաստ աշխատասիրութիւններ: Դոկտ. Ահմարանեան եղած է Հայաստանի Գիտութիւնների Ազգային ակադեմիոյ եւ Ս. Էջմիածինի ԳԷորգեան համալսարանի դասախօս:

Հանդիպում-ներկայացումը տեղի պիտի ունենայ ԹՄՄ «Պէշկէօթիւրեան» կեդրոնի սրահին մէջ, որուն հասցէն է՝ 1901 N. Allen Avenue, Altadena, CA 91001։

Մուտքը ազատ է, եւ տեղի պիտի ունենայ հիւրասիրութիւն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top