Նախագահ Սարգսեանի Հանդիպումը «Օրրան»ի Ձեռնարկին Մրցանակը Շահած Բարերար Կարօ Մարտիրոսեանի Հետ

0000Orran Garo Mardirosian

0000Orran Garo Mardirosian

ԵՐԵՒԱՆ, «Նոյեան Տապան».- Հայաստանի Հանրապետութեան նախագահ Արմէն Սարգսեան 9 Յուլիսին իւրայատուկ հանդիպում-ճաշ մը ունեցաւ «Օրրան» բարեգործական կազմակերպութեան հիմնադիր Արմինէ Յովհաննիսեանի, «Օրրանի» բարերարներէն՝ իրաւաբան Կարօ Մարտիրոսեանի եւ անոր ընտանքի անդամներուն հետ:

Հանդիպումը ծրագրուած էր անցեալ տարուան Սեպտեմբերին, Միացեալ Նահանգներու մէջ «Օրրան»ի նախաձեռնած դրամահաւաք-ճաշկերոյթին ընթացքին:

Արդարեւ, ճաշկերոյթին ընթացքին կազմակերպուած էր աճուրդ, որուն ընթացքին մասնակցողներուն ներկայացուած էին բազմաթիւ իւրայատուկ մրցանակներ, որոնցմէ մէկն էր՝ «Ճաշ Հայաստանի Հանրապետութեան նախագահի հետ», որուն կրցած էր տիրանալ «Օրրան»ի վաղեմի բարեկամ իրաւաբան Կարօ Մարտիրոսեան:

«Շատ գովելի եւ ողջունելի է նախագահ Արմէն Սարգսեանի այս բարգործական քայլը, որը ոչ միայն նշանակում է ինքնատիպ ձեւով մասնակից դառնալ կարիքաւոր քաղաքացիներին ձեռք մեկնելուն, այլեւ նպաստում է նոր մշակոյթի ձեւաւորմանը», անդրադառնալով նախագահին հետ ճաշին՝ նշած է «Օրրան»ի հիմնադիր Արմինէ Յովհաննիսեան:

Ճաշկերոյթ-դրամահաւաքին ընթացքին հանգանակուած ամբողջ գումարը կը տրամադրուի «Օրրան»ի 300 կարիքաւոր երեխաներուն եւ տարեցներուն ընկերային հարցերուն լուծման ջանքերու:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top