Ստեփանակերտը Կը Պատրաստուի Համահայկական 7րդ Ամառնային Խաղերուն

0712panarmenian

0712panarmenian

ՍՏԵՓԱՆԱԿԵՐՏ, «Արցախփրէս».- Ստեփանակերտի Ստեփան Շահումեանի անուան հանրապետական մարզադաշտին վրայ կ՛ընթանան Արցախի մէջ տեղի ունենալիք Համահայկական 7րդ ամառնային խաղերու նախապատրաստական փորձերը:

Համահայկական խաղերու համաշխարհային կոմիտէի նախագահ Իշխան Զաքարեան յայտնեց, որ փորձերը պիտի շարունակուին մինչեւ 25 Յուլիս, իսկ 27 Յուլիսին պիտի սկսին գլխաւոր փորձերը, որոնք պիտի տեւեն մինչեւ 5 Օգոստոս:

6 Օգոստոսին, Ստեփանակերտի մէջ տեղի պիտի ունենայ Համահայկական 7րդ ամառնային խաղերու բացման հանդիսաւոր արարողութիւնը:

«Փորձերը կ՛ընթանան լաւ: Բացման արարողութիւնը պիտի ըլլայ շատ գեղեցիկ. կան հետաքրքրական անակնկալներ: Մեծ տեսարաններու մէջ ընգրկուած են շուրջ 1500 մասնակցողներ՝ պարողներ, դերասաններ եւ կամաւորներ, որոնց հետ խաղերու գլխաւոր բեմադրիչը այժմ փորձեր կը կատարէ», աւելցուց Զաքարեան:

Խօսելով մարզադաշտին մասին՝ ան ըսաւ, որ մարզադաշտը փոքր է:

Ըստ անոր՝ այժմ համահայկական խաղերու համաշխարհային կոմիտէի ներկայացուցիչները ունին 4-5 հազար հրաւիրատոմսի պատուէր: «Կը փորձենք մարզադաշտը այնպէս օգտագործել, որ բացման արարողութեան կարենան մասնակցիլ 7-8 հազար հանդիսատեսներ: Խաղերու բացման արարողութեան ընդգրկուած պիտի ըլլան 7-8 հազար անձեր՝ շքերթի, ստեղծագործական խումբի եւ այլ ուրիշներ», ըսաւ Զաքարեան:

«Խնդիրը կը նախատեսենք լուծել տեղադրելով երկու մեծ պաստառ, որոնցմով ուղիղ հեռարձակում պիտի կատարուի: Անոնք պիտի կը տեղադրուին Վերածնունդի հրապարակին աջ եւ ձախ կողմերը: Այն անձերը, որոնք կարելիութիւնը չեն ունենար մտնելու մարզադաշտ, գոնէ հրապարակէն կրնան հետեւիլ բացման արարողութեան: Մարզադաշտ մուտքը ազատ պիտի ըլլայ», ըսաւ Զաքարեան:

Ըստ Համահայկական 7րդ ամառնային խաղերու գլխաւոր մրցավար Դերենիկ Գաբրիէլեանի՝ խաղերուն մեկնարկը պիտի տրուի Արցախէն, անիկա ապա պիտի շարունակուի Հայաստանի մէջ:

«Ֆութպոլի խաղերը տեղի պիտի ունենան Ստեփանակերտի, Մարտունիի, Ասկերանի եւ Մարտակերտի նորակառոյց մարզադաշտերուն մէջ, որոնք կը համապատասխանեն ժամանակակից չափանիշներուն: Պէտք է նշեմ, որ թէ՛ Արցախի եւ թէ Հայաստանի մէջ կայ մարզադահլիճներու պակասը: Եթէ մենք կ՛ուզենք համահայկական խաղերը զարգացնել, պէտք է մտածել նոր մարզադաշտեր ստեղծելու մասին: Ստեղծուած են կառավարական յանձնաժողովներ, որոնք կը զբաղին այս հարցերով: Համահայկական խաղերուն արդէն արձանագրուած են առաւել 350 մրցավարներ, որոնցմէ 150ը պիտի մասնակցի շքերթին», ըսաւ Գաբրիէլեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top