Կենսաթոշակները 10 Տոկոսով Բարձրացնելու Համար Պէտք Է Ծախսել 25 Միլիառ Դրամ

0712Gensatoshag

0712Gensatoshag

ԵՐԵՒԱՆ, «Արմէնփրէս».- 10 Յուլիսին տեղի ունեցած կառավարութեան արտահերթ դռնփակ նիստին ընթացքին հաստատուեցաւ Հայաստանի Հանրապետութեան 2020-2022 թուականներու պետական միջնաժամկէտ ծախսերու ծրագիրը:

Կառավարութեան 11 Յուլիսի նիստին, վարչապետ նիկոլ Փաշինեան մանրամասնեց, որ որոշուած է 1 Յունուար 2020էն սկսեալ, Հայաստանի մէջ 10 տոկոսով պիտի բարձրանան կենսաթոշակները, իսկ ընթացիկ տարուան 1էն 4 Սեպտեմբեր՝ ուսուցիչներուն աշխատավարձերը:

Ըստ աշխատանքի եւ ընկերային հարցերու նախարար Զարուհի Բաթոյեանի՝ փոփոխութիւնը կը վերաբերի շուրջ 560 հազար քաղաքացիներու:

11 Յուլիսին գումարուած կառավարութեան նիստէն ետք, լրագրողներու հետ ունեցած զրոյցի մը ընթացքին Հայաստանի ելեւմուտքի նախարար Ատոմ Ջանջուղազեան ըսաւ, որ 1 Յունուար 2020էն սկսեալ, կենսաթոշակները 10 տոկոսով բարձրացնելու համար պէտք է ծախսել 25 միլիառ դրամ՝ աւելցնելով, որ անոր համար պետական պիւտճէի եկամուտներէն եւ ներգրաւող պարտքէն բացի այլ աղբիւրներ չկան։

Ջանջուղազեան դիտել տուաւ, որ իրենք պարբերաբար հարկեր-Համախառն ներքին արտադրութիւն յարաբերակցութեան աճ կ՛ակնկալեն, ինչ որ կը բացայայտէ, թէ ինչպիսի՛ ակնկալութիւն ունին իրենք տնտեսութեան լրացուցիչ չդիտարկուող մասէն, որ պիտի վերածուի հարկի:

«Այս տարին չհաշուած, որովհետեւ մենք ակնկալում ենք բարձր աճ՝ հարկեր-ՀՆԱ յարաբերակցութեան, յաջորդ տարիներին աճը կը լինի 0.4-0.5 տոկոս միջակայքում: Ոչ թէ կանգ ենք առնելու այս թուի վրայ, այլ շարունակելու ենք այդ ուղղութեամբ աշխատանքները: Մեզ համար լաւագոյն ուղին հաւասարակշռուած ուղին է, որովհետեւ հակառակ դէպքում, եթէ այդպիսի պահանջ դրուի, կարելի է գտնել ճանապարհ՝ լրացուցիչ վարչարարութեան միջոցով աւելի հարկեր ունենալու եւ հակառակը՝ թուլացնել վարչարարութիւնը: Եթէ գծից շեղուենք, բացասական կը լինի հետեւանքը», նշեց Ջանջուղազեան։

Անդրադառնալով այն խօսակցութիւններուն, որ շուրջ 69 միլիառ դրամ յաւելեալ գումարի կարիք կայ նուազագոյն աշխատավարձը 55 հազարէն 68 հազար դրամի բարձրացնելու համար՝ նախարարը նշեց, որ այդ հարցումին պատասխանը կախեալ է անկէ, թէ ի՛նչ բովանդակութեամբ կ՛ընդունուի օրէնքը, այսինքն՝ որն է փոփոխութիւնը:

«Այդ 69 մլրդ. գումարը անհրաժեշտ կը լինէր այն ժամանակ, եթէ ուղղակի մեխանիկօրէն փոխուէր նուազագոյն աշխատավարձը: Բայց այդպիսի մտադրութիւն չկայ: Իսկ թէ ինչպիսի լրացուցիչ միջոցների կարիք կ՛առաջանայ, դա կախուած կը լինի արդէն ընդունուող օրէնքից», բացատրեց նախարարը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top