Նախորդ Տարուան Յունիսին Հետ Բաղդատած՝ Ուղեւորահոսքը Աւելցած Է 12.1 Տոկոսով

0712migrante

0712migrante

ԵՐԵՒԱՆ, «Արմէնփրէս».- Ընթացիկ տարուան Յունիսին, Հայաստանի երկու օդակայաններուն մէջ ուղեւորահոսքը եղած է 281,992 ճամբորդներ՝ 2018ի նոյն ամսուան ցուցանիշը գերազանցելով 12.1 տոկոսով:

Նշեալ ժամանակամիջոցին, «Զուարթնոց» օդակայանէն ուղեւորահոսքը աւելցած է 15.4 տոկոսով: 2018ի Յունիսին, օդակայանի ծառայութիւններէն օգտուած են 234,737 ուղեւորներ, իսկ Յունիս 2019ի ցուցանիշը եղած է 270,818 ուղեւորներ:

Յունիս 2019ին, Գիւմրիի «Շիրակ» օդակայանին մէջ ուղեւորահոսքը եղած է 11,174 անձեր, մինչ նախորդ տարի այս թիւը 16,738 էր, ինչ որ կը նշանակէ, թէ այս օդակայանին մէջ անիկա նուազած է 33.2 տոկոսով:

Տարուան սկիզբէն, Հայաստանի Հանրապետութեան երկու օդակայաններուն մէջ ուղեւորահոսքը եղած է 1,320,609 անձեր, որ 9.4 տոկոսով կը գերազանցէ նախորդ տարուան նոյն ամիսներուն ցուցանիշը:

«Զուարթնոց» եւ «Շիրակ» օդա-կայաններուն մէջ 2019ի Յունուարէն Յունիս ամիսներուն, նախորդ տարուան նոյն ամիսներուն հետ բաղդատած՝ 3.9 տոկոսով աւելցած են նաեւ թռիչք-վայրէջքները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top