Արցախի Հակամարտութեան Գծով Պաքուի Դիրքորոշումը Կը Մնայ Անփոփոխ. Մամետեարով

0713mamed

0713mamed

ՊԱՔՈՒ, «Թուրան».- Ատրպէյճանի արտաքին գործոց նախարար Էլմար Մամետեարով 12 Յուլիսին ընդունեց Պաքու գտնուող Եւրոպայի խորհուրդի մարդկային իրաւունքներու յանձնակատար Տունիա Միյաթովիչի գլխաւորած պատուիրակութեան այցելութիւնը:

Երկկողմանի յարաբերութեանց վերաբերող կարգ մը հարցերու կողքին, քննուեցաւ նաեւ Արցախի հակամարտութեան լուծում մը գտնելու նպատակով շարունակուող բանակցային գործընթացը։

Մամետեարով տեղեկութիւններ փոխանցեց հայ-ատրպէյճանական հակամարտութեան լուծման համար ԵԱՀԿի Մինսկի խմբակի համանախագահներուն միջնորդութեամբ կատարուած նորագոյն հանդիպումներուն մասին՝ ընդգծելով, որ Պաքուի դիրքորոշումը անփոփոխ է, կենսական համարելով «(մեր) բռնագրաւեալ տարածքներէն Հայաստանի զինուած ուժերուն հեռացումը եւ ատրպէյճանցի գաղթականներուն՝ իրենց հայրենի հողերը վերադարձը»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top