Թուրքիոյ Աջակցութիւնը Վայելող Ահաբեկիչներ 6 Քաղաքայիններ Սպաննեցին Հալէպի Մէջ

0716aleppo

0716aleppo

ՀԱԼԷՊ, «Գանձասար».- 14 Յուլիսին, Հալէպի արեւմտեան գիւղերուն եւ Ռաշիտին արուարձանին մէջ կայք հաստատած եւ Թուրքիոյ աջակցութիւնը վայելող զինեալ ահաբեկչական խմբաւորումներ ռմբակոծեցին Հալէպի արեւմտեան շրջանի խաղաղ բնակչութեամբ եռուն թաղամասերը, ինչպէս նաեւ Հալէպի քաղաքապետարանը, ուր կ՛աշխատէին քաղաքապետը եւ քաղաքապետարանի անձնակազմը: Արձանագրուեցան վեց զոհեր, 9 վիրաւորներ, ինչպէս նաեւ նիւթական վնասներ: Նոյն օրը, գիշերուան ժամը 11:45ին, զինեալ ահաբեկչական խմբաւորումներ ռմբակոծեցին նաեւ Հալէպի Մուհաֆազա թաղամասը, պատճառելով նիւթական վնասներ:

Սուրիական բանակը, հակադարձելով՝ ռմբակոծեց ահաբեկիչներուն դիրքերը:

Հալէպի արեւմտեան գիւղերու զինեալ ահաբեկչական խմբաւորումները յաճախ կը յարձակին քաղաքի արեւմտեան շրջաններուն վրայ, խուճապ ստեղծելու միտումով: Սակայն, Հալէպի մէջ կեանքը բնականոն հունով կը շարունակուի: Աստիճանաբար ընթացք կ՛առնեն պետական եւ սեփական հատուածներու վերակագնումի աշխատանքները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top