«Առողջապահութեան Կամուրջ»ին Ի Նպաստ Դրամահաւաքի Ձեռնարկը՝ 8 Սեպտեմբերին

0000Roots Gala

 

0000Roots Gala

ԹԱՀԱՆԿԱ.- Հայաստանի մէջ քաղցկեղէ տառապող երեխաներու դարմանումին աջակցող «Առողջապահութեան Կամուրջ» բարեսիրական կազմակերպութեան ի նպաստ 5րդ տարեկան դրամահաւաքի ձեռնարկը տեղի պիտի ունենայ Կիրակի, 8 Սեպտեմբերին, «Օրօրա» սրահին մէջ (7179 Foothill Blvd, Tujunga, CA 91042):

Այս տարի, «Արմատային Կալա» անունով մկրտուած սոյն ձեռնարկին հանդիսավարն է «ՓանԱրմէնիա» պատկերասփիւռի կայանի հաղորդավար Մհեր Պաղտասարեան։

Ձեռնարկին ընթացքին տեղի պիտի ունենան արուեստի գործերու ցուցադրութիւն մը եւ վիճակահանութիւն: Ընթրիքին մասնակցողները նաեւ պիտի վայելեն գեղարուեստական ճոխ յայտագիր մը:

Կամաւորներու ջանքերով գործող սոյն կազմակերպութիւնը ցարդ կրցած է օժանդակութիւն ապահովել բազմաթիւ երեխաներու:

Անցեալ տարուան՝ «Գոյն Կալա»ին շնորհիւ կարելի եղած էր 30,000 տոլար գոյացնել ի նպաստ այս ոչ-հասութաբեր կազմակերպութեան բարեսիրական աշխատանքներուն։ Յաւելեալ տեղեկութեանց, հովանաւորութեան առիթներուն ծանօթանալու կամ տոմսեր ապահովելու համար՝ այցելել www.bridgeofhealth.org կայքը կամ դիմել info@bridgeofhealth.org հասցէին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top