Եւրոմիութիւնը Կիպրոսի Սահմաններու Խախտումին Գծով Պատժամիջոցներ Հաստատեց Թուրքիոյ Դէմ

0717cyp

0717cyp

ՊՐԻՒՔՍԷԼ, ԱՆԳԱՐԱ, «Ռոյթըրզ».- Եւրոպական Միութեան արտաքին գործոց նախարարները 15 Յուլիսին որոշեցին պատժամիջոցներու դիմել Թուրքիոյ դէմ՝ դատապարտելով Կիպրոսի ջուրերուն մէջ բնական կազ եւ քարիւղ պեղելու Անգարայի ապօրինի քայլերը, նոյն ժամանակ սպառնալով ապագային աւելի խիստ քայլեր որդեգրել, եթէ Անգարա ետդարձ չկատարէ:

Նախարարները որոշեցին Անգարայի հետ դիւանագիտական հաղորդակցութիւնները եւ նիւթական աջակցութիւնները կրճատել:

Եւրոպական Միութենէն դիւանագէտ մը յայտնեց, որ Անգարա 2020ին կրնայ իրեն յատկացուելիք 400 միլիոն եուրոյէն մօտաւորապէս 150 միլիոնը կորսնցնել: Նաեւ, Եւրոպական ներդրումային դրամատան առաջարկուեցաւ վերանայիլ Թուրքիոյ տրամադրուող նիւթական աջակցութեան պայմանները:

Նախարարները նաեւ Թուրքիոյ կոչ ըրին՝ լաւ յարաբերութիւններ պահպանելու դրացի երկիրներու հետ, յարգելու միջազգային իրաւունքի չափանիշները եւ Կիպրոսի հանրապետութեան ինքնիշխանութիւնն ու իրաւունքները:

Սակայն, Թուրքիոյ արտաքին գործոց նախարար Մեւլուտ Չաւուշօղլու, արձագանգելով այս պատժամիջոցներուն՝ յայտարարեց, որ նման քայլեր պիտի չկասեցնեն Թուրքիոյ ծրագիրները, նոյն ժամանակ սպառնալով անպատասխան չձգել զանոնք:

Թուրքիոյ արտաքին գործոց նախարարութեան տարածած գրաւոր յայտարարութեան մէջ կը նշուի, որ պատժամիջոցներու որոշման մէջ անտեսուած են Կիպրոսի թուրքերուն շահերը. հոն կը քննադատուի նաեւ Եւրոպական Միութեան «կողմնակալ դիրքորոշումը»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top