Թրամփի Վարչակազմին Մէջ Ժամանակաւոր Պաշտօնատարներու Փաղանգը Կը Շարունակէ Աճիլ

0716TrumpAcosta

0716TrumpAcosta

ՈՒԱՇԻՆԿԹԸՆ, «Եու.Էս.Էյ. Թուտէյ».- Նախագահ Տանըլտ Թրամփի կողմէ աշխատաւորական հարցերու նախարար նշանակուած Ալեքս Աքոսթայի հրաժարումով, Թրամփի վարչակազմին մէջ ժամանակաւոր պաշտօնատարներու փաղանգը կը շարունակէ աճիլ։

Աքոսթա  պարտադրուած էր հրաժարելու, երբ տեղական թերթեր բացայայտեցին, որ Ֆլորիտայի մէջ իբրեւ դաշնակցային դատախազ պաշտօնավարելու օրերուն, շատ մեղմ պատիժ մը սահմանած էր սեռային նպատակներով պարմանուհիներ շահագործած միլիոնատէր մը, որ նաեւ Թրամփի հետ կապեր ունեցած է։

Աքոսթայի հրաժարումը այլ ձեւով եւս հարուած մըն էր Թրամփին, որ ամէն առիթ կը շահագործէ վարկաբեկել փորձելու համար մամուլը։

Նշենք, որ ցարդ հետեւեալ կարեւոր դաշնակցային մակարդակով պաշտօնները կը գտնուին ժամանակաւոր պաշտօնակատարներու վերահսկողութեան տակ՝ Սպիտակ տան անձնակազմի պետը, պաշտպանութեան նախարարը, ներքին գործոց նախարարը, պետական ամավարկի գրասենեակի վարիչը, ՄԱԿի մօտ դեսպանը, արտակարգ իրավիճակներու մարմինի պետը, օդանաւային ճամբորդութեանց վարչութեան պետը, քաղաքացիութեան եւ ներգաղթի  սպասարկութեանց պետը, ուտեստեղէնի եւ դեղերու վարչութեան պետը, աշխատանքի ապահովութեան եւ առողջապահութեան վարչութեան պետը, քաղաքացիական արտադրութեանց ապահովութեան վարչութեան պետը, մաքսերու եւ սահմաններու ապահովութեան պետը եւ ներգաղթի ու մաքսերու օրէնքները պարտադրող մարմինին պետը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top