Սահմանադրական Դատարանը Կարսի Արձանին Գծով Էրտողանի Դէմ Վճիռ Արձակեց

0717Gars

0717GarsՊՈԼԻՍ, «Մարմարա».- Ինչպէս օրին հաղորդած էինք, 2006ին, Կարսի քաղաքապետարանին պատուէրով քանդակագործ Մեհմետ Աքսոյ հեղինակած էր երկու մասէ բաղկացեալ արձան մը, զայն նկատելով մարդկութեան ու հաշտութեան խորհրդանիշ։ Արձանը զետեղուած էր Կարսի բարձրադիր կէտերէն մէկուն վրայ եւ կը տեսնուէր նաեւ Հայաստանէն։ Սակայն, հաշտութիւն քարոզող արձանը յանկարծ «դժբախտ ճակատագիր» մը ունեցաւ, երբ Էրտողան 2011ին հանրահաւաքի մը մասնակցելու առիթով այցելեց Կարս եւ «ուճուպէ» ¤այլանդակ) որակեց զայն։ Աւելի ուշ, ան հրահանգեց քանդել արձանը։ Թէեւ տեղական վարչական դատարանը կասեցուց արձանին քանդումը, բայց շրջանային դատարանը բեկանեց որոշումը եւ Ապրիլ 2011ին արձանը դադրեցաւ գոյութիւն ունենալէ։

2014ին Աքսոյ անհատական դիմումով գանգատ ներկայացուց Սահմանադրական դատարանին։ Դիմումը քննութեան առնուեցաւ միայն հինգ տարի ետք։ Վերջապէս Սահմանադրական դատարանը արձանին քանդումը նկատեց խօսքի եւ ստեղծագործելու ազատութեան ոտնահարում ու պարտադրեց, որ նախագահ Էրտողան դրամական փոխհատուցում վճարէ քանդակագործին։ Դատարանին որոշումէն ետք Աքսոյ յայտարարեց, որ կը պատրաստուի վերականգնելու արձանը։

Յիշեցնենք, որ Աքսոյ 2015ին այլ դատ մը բացած էր Էրտողանի դէմ, իր հեղինակած արձանը «այլանդակ» որակելու մեղադրանքով։ Դատարանին վճիռով, Էրտողան պարտաւոր նկատուեցաւ 10,000 լիրա վնասուց հատուցում վճարել քանդակագործին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top