400 Դպրոցներ Երկրաշարժի Ցնցումներուն Դիմանալու Առումով Լուրջ Հարցեր Ունին

0718schools

0718schools

ԵՐԵՒԱՆ, «Արմէնփրէս».- Երկրաշարժի պարագային, դպրոցներու կայունութիւնը այն հարցն է, որուն նկատմամբ ոչ ոք կրնայ անտարբեր ըլլալ:

Կառավարութիւնը այս տարուան Փետրուարի նիստերէն մէկուն ընթացքին քննարկեց երկրաշարժի պարագային դպրոցներու կայունութեան հարցը:

Տարածքային կառավարման եւ ենթակառուցուածքներու նախարար Սուրէն Պապիկեան տեղեկացուց, որ կառավարութեան եւ Ասիական զարգացման դրամատան միջեւ իրականացող Երկրաշարժի պարագային անվտանգութեան բարելաւման ծրագիրով, ներկայիս կ՛իրականացուի 4 դպրոցի ուժեղացման նախագծումը: Կը նախատեսուի սկսիլ նաեւ երկու դպրոցներու նախագծային աշխատանքներուն: Վերոնշեալ դպրոցներուն շինարարական աշխատանքները կը նախատեսուին սկսիլ այս տարի: Ծրագիրին պայմանը այն է, որ 9 բալ ուժգնութեամբ երկրաշարժի պարագային շէնքերը պէտք չէ քանդուին:

Այս տարուան Փետրուար ամսուան դրութեամբ՝ ուսումնասիրուած դպրոցներէն 46ը արդէն խնդրայարոյց համարուեցան, երկրաշարժի դիմանալու տեսանկիւնէն: Ներկայիս, 400 դպրոցներ երկրաշարժի ցնցումներու պարագային, կայունութեան առումով լուրջ հարցեր ունին:

Սուրէն Պապիկեան նշեց, թէ նախնական նպատակը եղած է անոնց հիմնանորոգումը, բայց ուսումնասիրութիւնները ցոյց կու տան, որ դպրոցներուն մեծամասնութիւնը ամբողջովին պէտք է քանդել եւ նորը կառուցել: Այս պահուն, կառավարութեան կողմէ հաստատուած է 46 դպրոցներու ծրագիրը: Այս տարի կը նախատեսուի շուրջ 31 դպրոցներու վերանորոգման աշխատանքներու մեկնարկը, ընթացքի մէջ է 7 դպրոցներու շինարարութիւնը: 400 դպրոցներու հարցը անմիջապէս կարելի պիտի չըլլայ լուծել: Յառաջիկայ քանի մը տարիներուն համար կառավարութեան պիւտճէին միջոցներով անոնց քսան տոկոսի հարցը կարելի է լուծել, մնացեալին համար պէտք է թէ՛ միջազգային գործընկերներու, թէ պետական յաւելեալ միջոցներու ներգրաւման միջոցով լուծել:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top