Հրապարակուեցաւ Հրանդ Տինքի Սպանութեան Դատին Վճիռը

0718dink

 

0718dink

ՊՈԼԻՍ.- Պոլսոյ ծանր յանցագործութիւններու 14րդ դատարանը 17 Յուլիսին հրապարակեց «Ակօս» թերթի հիմնադիր եւ գլխաւոր խմբագիր Հրանդ Տինքի սպանութեան դատին վճիռը, կը հաղորդէ «Ակօս» շաբաթերթը:

Դատարանը 13 Յունիսին, 9 մեղադրեալներու վերաբերեալ դատերը առանձնացուցած էր ընդհանուր դատէն, նկատի ունենալով, որ ձգձումներուն իբրեւ հետեւանք՝ կը լրանար դատական գործի վաղեմութեան ժամկէտը։

Դատավճիռին համաձայն՝ Տինքը սպաննած ազգայնամոլ Օկիւն Սամասթ 2.5 տարի, իսկ կազմակերպիչներէն՝ Էրհան Թունճել եւ Եասին Հայալ յաջորդաբար 7.5 եւ 99.5 տարուան բանտարկութեան դատապարտուեցան։ Նիստին ներկայ եղան մեղադրեալներէն միայն Թունճելը, իսկ մնացեալը նիստին հետեւեցան իրենց քաղաքներու դատարաններէն: Նշենք, որ մնացեալ 6 մեղադրեալներէն 4ը դատապարտուեցան զանազան ժամկէտներով բանտարկութեան, իսկ երկուքը ազատ արձակուեցան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top