Հայաստան Ռուսիոյ Հետ Կը Բանակցի Հիւլէական Նոր Կայան Կառուցելու Հնարաւորութեան Շուրջ

0718nuclearplant

0718nuclearplant

ԵՐԵՒԱՆ, «Սիվիլնեթ».- Աշխատանքային այցելութեամբ Նիւ Եորք գտնուող Հայաստանի փոխվարչապետ Տիգրան Աւինեան յայտարարեց, որ Հայաստան Ռուսիոյ հետ բանակցութիւններ կը վարէ հիւլէական նոր կայան կառուցելու ուղղութեամբ:

15 Յուլիսին, ՄԱԿի կեդրոնին մէջ Աւինեան մասնակցեցաւ ուժանիւթի արդիւնաւէտութեան եւ կայուն զարգացման նուիրուած կլոր սեղան-քննարկման, զոր ՄԱԿի զարգացման ծրագիրի եւ Եւրասիական միութեան հետ համագործակցութեամբ կազմակերպած է ՄԱԿի մօտ Հայաստանի մշտական ներկայացուցչութիւնը:

Աւինեան յայտարարեց, որ Հայաստանի ուժանիւթի համակարգը կառուցուած է երեք հիմնասիւներու վրայ՝ հիւլէական, ջերմային եւ ջրային աղբիւրներ: Ան նշեց, որ այս երեք աղբիւրներէն Հայաստան գրեթէ հաւասարաչափ ուժանիւթ կը ստանայ եւ տրամադիր չէ հրաժարելու հիւլէական ուժանիւթէն:

«Շարունակելու ենք եւ այժմ դիտարկում ենք Մեծամորի ատոմակայանի ապագործարկումից յետոյ նոր ատոմակայան կառուցելու հնարաւորութիւնները», ըսաւ Աւինեան՝ նշելով, որ ռուս գործընկերներու հետ պատրաստ են եւ արդէն իսկ կը քննարկեն Ռուսիոյ հնարաւոր մասնակցութիւնը Հայաստանի մէջ հիւլէական նոր կայանի կառուցման գործին:

Նշենք, որ Մեծամորի կայանի առաջին համակարգը գործարկուած է 1976ին, երկրորդը՝ 1980ին: Այժմ կը գործէ միայն մէկ համակարգ, որուն շահագործման ժամկէտը պէտք է աւարտուած ըլլար 2016ին: Արհեստագիտական վերազինումէն ետք կայանի շահագործման ժամկէտը երկարաձգուած է մինչեւ 2021: Հայաստանի կառավարութիւնը կը քնարկէ նաեւ այդ ժամկէտը մինչեւ 2027 երկարաձգելու կարելիութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top