Էրպիլի Մէջ Սպաննուեցան Թուրք Դիւանագէտ Մը Եւ Անոր Երկու Թիկնապահները

ԵՐԵՒԱՆ, «Էրմենիհապեր».- Հիւսիսային Իրաքի Էրպիլ քաղաքին մէջ տեղի ունեցած զինեալ յարձակումի մը իբրեւ հետեւանք՝ սպաննուեցան քաղաքին մէջ Թուրքիոյ ընդհանուր հիւպատոսարանին դիւանագէտներէն մէկը եւ անոր տեղացի երկու թիկնապահները:

«Մայատին» արբանեակային պատկերասփիւռի կայանը հաղորդեց, որ անոնք ճաշարանի մը մէջ էին, երբ անծանօթ երեք զինեալներու կողմէ ենթարկուեցան յարձակումի:

Քիւրտիստանի բանուորական կուսակցութիւնը հերքեց, թէ որեւէ կապ ունի թուրք դիւանագէտին եւ անոր երկու թիկնապահներուն սպանութեան հետ:

Թուրքիոյ արտաքին գործոց նախարարութիւնը յայտարարեց, թէ Էրպիլի մէջ սպաննուած են Թուրքիոյ հիւպատոսի տեղակալ Օսման Քէօսէ ու հիւպատոսարանի երկու պաշտօնեաներ, իսկ ուրիշներ վիրաւորուած են:

Թուրքիոյ նախագահական պալատը դատապարտեց յարձակումը՝ աւելցնելով, որ «պէտք եղած ձեւով» պիտի հակադարձէ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top