Իրան Կը Գրաւէ «Քարիւղ Մաքսանենգող» Փոխադրանաւ Մը

0719iran

0719iran

ԹԵՀՐԱՆ, «Ա.Էֆ.Փէ.».- Իրանի Յեղափոխական ջոկատներու հրամանատարութիւնը Հինգշաբթի, 18 Յուլիսին յայտարարեց, թէ Ծոցի ջուրերուն մէջ գրաւած է «քարիւղ մաքսանենգող» փոխադրանաւ մը, իրանեան Լարաք կղզիին մօտերը։ Հակառակ այն իրողութեան, որ նաւուն անունը չէ տրուած, կասկածներ կան, որ նաւը քանի մը օր առաջ Հորմուզի նեղուցին մօտերը «անհետացած» Արաբական Միացեալ Էմիրութիւններու մէկ քարիւղի նաւն է։

Նշենք, որ բրիտանական ուժեր 4 Յուլիսին, Ճիպրալթարի մօտերը գրաւած էին իրանեան քարիւղի փոխադրանաւ մը, պնդելով, որ անիկա քարիւղ կը փոխադրէր դէպի Սուրիա, խախտելով Եւրոպական Միութեան պատժամիջոցները։

Միւս կողմէ, Ռուսիոյ արտաքին գործոց նախարար Սերկէյ Լաւրով զգուշացուց, որ Ծոցի մէջ ամերիկեան գործելաոճը կրնայ շրջանին մէջ աղէտ մը պատճառել: «Կայծ մը բաւարար է, որ կացութիւնը բռնկի», աւելցուց Լաւրով:

«Միացեալ Նահանգները իր մկանները կը ցուցադրէ, Թեհրանի վարկաբեկման արշաւ կը շղթայազերծէ եւ Իրանը կ՛ամբաստանէ բոլոր յանցանքներով», ըսաւ ան:

Մինչ այդ, Միացեալ Նահանգներու արտաքին գործոց նախարարութեան բանբերը յայտնեց, որ «իրանցիներուն բանակցելու մտադրութեան վերաբերեալ պատգամ մը չստացանք»՝ նշելով. «Իրանցիները կանգնած են բանակցելու կամ պատժամիջոցներու ենթակայ մնալու ընտրանքին դիմաց»: Ան աւելցուց. «Մեր դաշնակիցներուն հետ մեր կարելին պիտի ընենք շրջանին մէջ նաւարկումի ազատութիւնը երաշխաւորելու համար: Աչք պիտի չփակենք Հորմուզի նեղուցին մէջ իրանեան սպառնալիքներուն նկատմամբ»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top