Նացիակա՞ն, Թէ Ընտրական Հաւաք

0719trump-rally

ԳԷՈՐԳ ՄԱՆՈՅԵԱՆ

 

0719trump-rally2020ի նախագահական ընտրապայքարի ակնկալուող տգեղ երեւոյթներէն առաջինին ականատես դարձանք 17 Յուլիսի երեկոյեան, երբ նախագահ Տանըլտ Թրամփի ընտրապայքարի հաւաքը վերածուեցաւ այլամերժութիւն եւ այլատեացութիւն քարոզող հաւաքի, որ շատ նման էր 1930ականներուն Գերմանիոյ մէջ ցեղապաշտ նացիներուն կազմակերպած հանրահաւաքներուն։

Արդարեւ, ոչ սպիտակամորթ չորս կին քոնկրեսականներու դէմ նախագահին սկսած անպատասխանատու արշաւը, որուն միակ նպատակն է իր վերընտրութիւնը ապահովել՝ համակիրներուն ուշադրութիւնը պահելով շինծու տագնապներու վրայ, արդէն իսկ հասած է գաղթականներով կազմուած Միացեալ Նահանգներու հիմնադրութեան սկզբունքները լրջօրէն ցնցելու մակարդակին։

Կուրօրէն նախագահին հետեւելով եւ քոնկրեսականներուն հասցէին «ետ ղրկեցէք» գոռացող Թրամփի ազգայնամոլ համակիրները բնականաբար բաւարար գիտակցութիւն չունին, որ իրենցմէ իւրաքանչիւրը, սկսելով նախագահէն (որուն մեծ հայրը Գերմանիայէն Միացեալ Նահանգներ ապաստանած էր, Թրամփի նման բանակային ծառայութենէ խուսափելու համար), նոյնքան ամերիկացի է, որքան թիրախներու վերածուած դեմոկրատ քոնկրեսականները, որոնց «յանցանք»ները՝ ժողովրդավարականօրէն Ներկայացուցիչներու տան անդամ ընտրուիլը եւ երկրին ապագան շիտակ հունին մէջ դնել փորձելն է։

Սակայն, ցաւալի է նաեւ, որ այդ գիտակցութիւնը նոյնիսկ Ներկայացուցիչներու տան հանրապետականներուն ջախջախիչ մեծամասնութիւնն ալ չունի, որովհետետւ Թրամփի ատելավառ խօսքերը դատապարտող Ներկայացուցիչներու տան բանաձեւին ի նպաստ քուարկեցին միայն չորս հանրապետականներ, մինչ միւսները նախընտրեցին մնալ ցեղապաշտ նախագահին, առայժմ ապահով, շուքին տակ։

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top