Երեւանի «Փիւնիկ»ը «Եուրոփա» Մրցաշարքի Բ. Հանգրուան Հասաւ

0720pyunik

0720pyunik

ԵՐԵՒԱՆ.- Հինգշաբթի, 18 Յուլիսի երեկոյեան տեղի ունեցած եւրոպական ֆութպոլի ակումբներու 2019-2020 տարեշրջանի «Եուրոփա» մրցաշարքի զտումի Ա. հանգրուանի դարձի մրցումներուն, Երեւանի «Փիւնիկ»ը Հիւսիսային Մակեդոնիոյ մէջ ճակատեցաւ տեղւոյն «Շքուփի» խումբին դէմ։

Յիշեցնենք, որ երթի մրցումին, «Փիւնիկ» 3-3 արդիւնքով հաւասարութիւն մը արձանագրած էր, սակայն Հինգշաբթի օրուան մրցումին, «Փիւնիկ»ը աւելի տպաւորիչ ելոյթ մը ունենալով՝ կրցաւ մրցակիցին դաշտին վրայ 2-1 արդիւնքով (կիսախաղ 2-0) յաղթանակ մը արձանագրել, ապահովելով Բ. հանգրուանի տոմսը։

Արտակ Եդիգարեան (7րդ վայրկեան) եւ Արթուր Միրանեան (31րդ) նշանակեցին հայկական կազմին կօլերը:

Ուրեմն, «Եուրոփա» մրցաշարքի զտումի Բ. հանգրուանին պիտի մասնակցին Հայաստանէն երեք խումբեր՝ «Արարարտ-Արմենիա»ն (որ Ախոյեաններու մրցաշարքէն դուրս մնալով՝ պայքարը պիտի շարունակէ «Եուրոփա» մրցաշարքին մէջ), «Ալաշկերտ»ը եւ «Փիւնիկ»ը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top