Քանի Մը Տողով

– Իրանի իշխանութիւնները հաղորդեցին, որ անցեալ ամիս իրականացած գործողութեան մը շնորհիւ կարելի եղած է ձերբակալել 17 կասկածելիներ, Միացեալ Նահանգներու համար լրտեսութիւն կատարելու մեղադրանքով՝ աւելցնելով, որ դատարանը արդէն վճիռ արձակած է բանտարկուած բոլոր լրտեսներուն գործով եւ անոնցմէ մի քանին շուտով մահապատիժի պիտի ենթարկուին:

– Հոլանտայի Գերագոյն ատեանը վճռեց, որ հոլանտացի խաղաղապահ զինուորները մասնակիօրէն (10 առ հարիւր) պատասխանատուութիւն կը կրեն Սրեպրենիցայի մէջ սերպերու կողմէ պոսնիացի իսլամներու կոտորածին համար: Ատեանը շեշտեց, թէ խաղաղապահները կրնային կանխարգիլել որոշ սպանութիւններ, մասնաւորաբար այն 350 պոսնիացի տղամարդոց, որոնք դուրս դրուած էին հոլանտացի զինուորներու հսկողութեան տակ գտնուող տարածքէն: 1995ին տեղի ունեցած սպանդին ընթացքին սերպ ուժեր սպաննած էին մօտաւորապէս 8000 պոսնիացի իսլամներ:

– Սպիտակ տունը կը ծրագրէ գոյացնել միջազգային դաշինք մը, որ պիտի վերահսկէ Իրանի եւ Եմէնի շուրջ ջուրերը: Այս նպատակով, Միացեալ Նահանգներու սպայակոյտի պետ զօր. Ճոզէֆ Տանֆըրտ հանդիպում մը ունեցաւ արտաքին գործոց նախարար Մայք Փոմփէոյի եւ պաշտպանութեան նախարարի պաշտօնակատար Մարք Էսփըրի հետ, քննարկելով ծրագիրին մանրամասնութիւնները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top