Բրիտանիա Կը Քննէ Իրանի Դէմ Պատժամիջոցներ Հաստատելու Կարելիութիւնը

0723british-iran

 

0723british-iran

ԼՈՆՏՈՆ, «Ռոյթըրզ».- Բրիտանիոյ պաշտպանութեան փոխնախարար Թոպիաս Էլուուտ յայտնեց, որ իր երկիրը դաշնակիցներուն հետ կը քննարկէ Իրանի դէմ պատժամիջոցներ հաստատելու կարելիութիւնը, բրիտանական քարիւղի փոխադրանաւին գրաւման իբրեւ հակազդեցութիւն:

«Բոլորը մտահոգ են տագնապի մը ծագումէն, եւ պէտք է կացութիւնը հանդարտեցնենք», նշեց ան՝ աւելցնելով, որ բրիտանական քարիւղատար նաւուն գրաւումը Իրանի եւ Արեւմուտքին միջեւ աշխարհաքաղաքական մրցակցութեան մէկ մասն է:

Բրիտանիոյ վարչապետ Թերեզա Մէյի հրաւէրով, Երկուշաբթի օր հանդիպում մը տեղի ունեցաւ կառավարութեան ապահովութեան ոլորտի պաշտօնատարներուն միջեւ, քննարկելու համար, թէ Լոնտոն ինչպէս պիտի հակադարձէ Հորմուզի նեղուցին մէջ, Իրանի կողմէ բրիտանական նաւուն գրաւման:

Նշենք, որ Իրանի Յեղափոխական պահակագունդը Երկուշաբթի օր ցուցադրեց բրիտանական նաւուն անձնակազմին նկարները, իսկ աւելի կանուխ՝ գրաւումէն տեսարաններ։

Բրիտանիոյ մօտ Իրանի դեսպան Համիտ Պահիտինաճետ զգուշացուց Լոնտոնը երկու երկիրներուն միջեւ լարուածութիւնը աւելի բարձր մակարդակի հասցնելու հետեւանքներէն՝ շեշտելով, որ ներկայ պայմաններուն մէջ, Թեհրանի դէմ պատժամիջոցներ հաստատելը ոչ-իմաստուն եւ վտանգաւոր քայլ մը պիտի ըլլայ։

Իր կարգին, Իրանի արտաքին գործոց նախարար Մոհամմետ Ճաւատ Զարիֆ յայտնեց, որ Միացեալ Նահանգներու նախագահին ազգային ապահովութեան խորհրդատու Ճան Պոլթըն «Բրիտանիոյ ականջին մէջ թոյն կը սրսկէ՝ փորձելով զայն ճահիճի մէջ ներքաշել»:

Զարիֆ աւելցուց, որ զգուշութիւնը եւ իմաստութիւնը միայն «կրնան նման դաւեր ձախողութեան մատնել»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top