Դէպի Արցախ

6a12450ae1a8cd18a484cbec6e6a90a2

6a12450ae1a8cd18a484cbec6e6a90a2

«ԱՍՊԱՐԷԶ»

 

Վիճակագրական տեղեկութիւններու մասին կասկածելու պատճառ չունինք: Բայց եւ այնպէս, Արցախ այցելած զբօսաշրջիկներու թիւին մասին հարցականներ չենք կրնար չունենալ:

«Արցախփրէս»ը այս տարուան Մարտին տուած իր լուրով հաղորդեց. «2018 թուականին Արցախ է այցելել 28 հազար 588 օտարերկրեայ քաղաքացի, որը նախորդ տարուայ համեմատ աճել է 23 տոկոսով»:

Եթէ Արցախը սովորական տարածք մը ըլլար մեզի՝ սփիւռքահայերուս համար, կարելի պիտի ըլլար ընդունիլ, որ Հայաստան այցելած հարիւր հազարաւորներէս միայն 28,588ը որոշած է հասնիլ Շուշի, Գանձասար, Ստեփանակերտ, Ամարաս, Դադիվանք, Տիգրանակերտ:

Քիչ է, այս թիւը շատ, շատ քիչ է: Եթէ Արցախի տնտեսութիւնը հզօրացնելու նախաձախնդրութիւնը ունինք, պէտք է գիտնանք, որ հայրենիքի դրախտային այդ հատուածի վայելքները ըմբոշխնելով՝ մեր համեստ ներդրումը բերած կ՛ըլլանք այդ հողը ազատագրած ժողովուրդի բարգաւաճման գործին: Արցախի բնակչութիւնը տարիներէ ի վեր կը դեգերի 150,000ի սահմաններուն շուրջ: Ազգային կառոյց մը կամ կառոյցներ միասնաբար պէտք է նախաձեռնեն արշաւ մը, որ եթէ այս տարի ուշ է արդէն, գոնէ եկող տարի, Արցախ այցելող զբօսաշրջիկներու (որոնց մէջ բացարձակ մեծամասնութիւնը  մենք ենք, դուք, հայերս) թիւը հասցնել բնակչութեան թիւին: Այս տարի, Համահայկական ամառնային 7րդ տարեկան խաղերուն՝ Արցախի մէջ մեկնարկումը այդօրինակ նախաձեռնութիւն մըն է, որուն  պէտք է հետեւին ուրիշներ:

Վարդենիսի վրայով Արցախ գացող ճանապարհը պէտք է առնուազն կրկնապատկէր զբօսաշրջիկներու թիւը: Կը մնայ յաւելեալ խանդավառութիւն ու հետաքրքրութիւն յառաջացնելու աշխատանքը, զոր պէտք է տանինք բոլորս:

Հայաստան այցելութիւնը կարելի չէ պատկերացնել առանց Արցախ հասնելու:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Խաչիկ said:

    նախաձախնդրութիւն գրած եք, խնդրեմ ճշտել (նախանձ բառի «ն»ն չ’կայ)։ այս գրառումն ալ կրնաք ջնջել։

*

Top