Մահացաւ Գրող Պօղոս Շահմելիքեան

0809boghosshahmelikian

0809boghosshahmelikian

Չորեքշաբթի, 7 Օգոստոսին, Լոս Անճելոսի մէջ մահացաւ գրող, «Ասպարէզ»ի եւ «Ազդակ»ի աշխատակից Պօղոս Շահմելիքեան:

Շահմելիքեան աւելի քան մէկ շաբաթ առաջ ենթարկուած էր սիրտի ծանր կաթուածի, որուն պատճառով փոխադրուած էր հիւանդանոցը, ուր քանի մը օրէ ի վեր մահ ու կենաց պայքար կը մղէր:

Ան հեղինակ է երկու հատորներու` «Յիշատակներ. անցած օրեր» (հայերէնով), որուն անգլերէն թարգմանութիւնն ալ լոյս տեսաւ հետագային, եւ անցեալ տարի Մեծի Տանն Կիլիկիոյ կաթողիկոսութեան «Ռիչըրտ եւ Թինա Գարօլան» հիմնադրամէն լոյս տեսած «ճամբորդութիւն յիշողութեան մէջ» հատորը, որուն գինեձօնը վերջերս տեղի ունեցաւ «Ազդակ»-ի խմբագրութեան եւ Համազգայինի գիր ու գրականութեան մասնաճիւղին կազմակերպութեամբ: Շահմելիքեանի մահով կիսատ մնաց վերջերս «Ազդակ»-ի մէջ լոյս տեսնել սկսած անոր «Լիբանանեան օրագրութիւն» յօդուածաշարքը…

«Ասպարէզ»ի եւ «Ազդակ»ի խմբագրութիւնները այս տխուր առիթով կը ցաւակցին հանգուցեալի ընտանեկան պարագաներուն եւ գրչակիցներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Mardig Madenjian said:

    Ցաւալի է կորուստըղ Աստուած հոգին լուսաւորէ եւ հարազատներուն մխիթարէ: Լուս մը եւս շիչեցաւ մեր աշխարհէն:

*

Top