Հայաստանի Եւ Ռուսիոյ Ապահովութեան Խորհուրդներու Քարտուղարներու Հանդիպում

0814patrushevarmen

0814patrushevarmen

ԵՐԵՒԱՆ, «Արմէնփրէս».- Հայաստանի Հանրապետութեան Ապահովութեան խորհուրդի քարտուղար Արմէն Գրիգորեանի հրաւէրով, 12-13 Օգոստոսին Ռուսիոյ Ապահովութեան խորհուրդի քարտուղար Նիքոլայ Փաթրուշեւ այցելեց Հայաստան:

Այցելութեան ծիրին մէջ 12 Օգոստոսին կայացաւ Արմէն Գրիգորեանի եւ Նիքոլայ Փաթրուշեւի հանդիպումը, որուն ընթացքին քննարկուեցաւ ապահովութեան ոլորտին վերաբերող շարք մը հարցեր: Տեղի ունեցաւ միտքերու փոխանակում հայ-ռուսական ռազմավարական յարաբերութիւններու զարգացման, ՀԱՊԿի ծիրին մէջ համագործակցութեան ընդլայնման եւ նոր կարելիութիւններու օգտագործման հարցերուն վերաբերեալ: Քն-նարկուեցաւ նաեւ երրորդ երկիրներու զէնքի վաճառքի կանոնակարգման հարցը:

Զրուցակիցները գոհունակութիւն յայտնեցին Հայաստանի եւ Ռուսիոյ միջեւ դաշնակցային գործընկերութեան ծիրին մէջ իրականացուող ռազմական-թեքնիք եւ ռազմատնտեսական համագործակցութեան ներկայի ընթացքէն, կարեւոր նկատեցին ռազմարդիւնաբերութեան ոլորտին մէջ համագործակցութեան աշխուժացումը եւ նոր ձեռնարկութիւններ հիմնելու անհրաժեշտութիւնը:

Հայաստանի եւ Ռուսիոյ Ապահովութեան խորհուրդներու քարտուղարներու հանդիպումէն առաջ տեղի ունեցան նաեւ Հայաստանի Ապահովութեան խորհուրդի գրասենեակի եւ Ռուսիոյ Ապահովութեան խորհուրդի աշխատակազմի ներկայացուցիչներու տարեկան խորհրդակցութիւնները։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top