Երեւանի Քաղաքապետը Վարչապետին Ներկայացուց Մայրաքաղաքի Աղբահանութեան Վերաբերող Խնդիրները

0814Maroutian

0814Maroutian

ԵՐԵՒԱՆ, «Արմէնփրէս».- Երեւանի քաղաքապետ Հայկ Մարութեան մայրաքաղաքի աղբահանութեան ոչ պատշաճ կատարման պատճառը կը նկատէ այն, որ «Սանիթեք» ընկերութիւնը չի կրնար  իր  պարտականութիւնները կատարել։ Ան այս մասին տեղեկացուց վարչապետ Փաշինեանին, որուն հետ հանդիպում ունեցաւ 13 Օգոստոսին։ Ըստ քաղաքապետին, ընկերութիւնը կը թերանայ իր գործին մէջ, թէեւ քաղաքապետարանը իր պարտաւորութիւնները միշտ կատարած է: «Մեր պարտականութիւնների մէջ մտնում է գումար փոխանցելը եւ իրավիճակը վերահսկելը: Փոխանցման ենթակայ գումարը միշտ մի կողմ է դրուած եղել եւ ժամացոյցի պէս փոխանցուել է», ըսաւ Մարութեան:

Ըստ անոր՝ կնքուած համաձայնագիրը բաւական լաւ ու հաւասարակշռուած է, եթէ երկու կողմերը յարգեն զայն։

Մարութեան նշեց, որ ընկերութիւնը ձախողութեան պատճառներէն է նաեւ այն, որ անիկա չի տիրապետեր այդ ոլորտին եւ չունի անհրաժեշտ սարքերը։

Այս հարցին մասին մամլոյ ասուլիսի մը ընթացքին խօսեցաւ նաեւ Հայաստանի պետական եկամուտներու կոմիտէի նախագահի տեղակալ Էդուարդ Յովհաննիսեան, որ ըսաւ, թէ «Սանիթեք» ընկերութիւնը 2018ի Յունուար-Սեպտեմբերին պետական պիւտճէին չէ վճարած շուրջ 580 միլիոն դրամ:

«Բացի այդ, քրէական գործով կատարուած նախաքննութեան ընթացքում պարզուել է, որ «Սանիթեք» ՍՊԸ հայաստանեան մասնաճիւղի եւ «Սանիթեք Ինթըրնեշընլ» ՍՊԸի կողմից չեն ներկայացուել 2018թ. բնապահպանական հարկի եւ բնօգտագործման վճարի միասնական հարկային հաշիւները», նշեց Յովհաննիսեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top