Պուտինի, Ալիեւի Եւ Ռոհանիի Չեղարկուած Հանդիպումը Եւ Փաշինեանի Առաջարկը

0814putin-aliev

 

0814putin-aliev

ՆԱԻՐԱ ՀԱՅՐՈՒՄԵԱՆ

 

Ռուսաստանի, Իրանի եւ Ադրբեջանի նախագահները պէտք է Օգոստոսի 14ին հանդիպէին Սոչիում, համատեղ ծրագրերը քննարկելու համար: Սակայն երէկ (Երկուշաբթի, 12 Օգոստոսին) Ռուսաստանի նախագահի մամուլի խօսնակ Դիմիտրի Պեսկովը յայտնել է, որ հանդիպումը յետաձգւում է տեխնիկական պատճառներով:

Նոյն օրը տեղեկութիւն է տարածուել, որ Իրանը դէմ է Կասպից ծովում գազամուղի շինարարութեանը, քանի որ այն կարող է լուրջ վնաս հասցնել էկոլոգիային (բնապահպանութեան-Խմբ.): Այս մասին յայտարարել է Իրանի Ազգային գազային ընկերութեան ներկայացուցիչ Բեհրուզ Նամդարին:

Աւելի վաղ Ռուսաստանն էլ է դէմ հանդէս եկել Կասպից ծովի յատակով գազամուղի անցկացմանը: ՌԴ փոխվարչապետ Սերգէյ Պրիխոդկոն յայտարարել է, որ Կասպից ծովում էկոհամակարգի պաշտպանութեան շահերը միանշանակ գերակայ են ցանկացած տեսական տնտեսական նախագծերի նկատմամբ:

Այս յայտարարութիւններից յետոյ Ալիեւը Սոչի գնալու կարիք չունի, որտեղ ստիպուած էր լինելու խոստովանել խողովակաշարերի անիմաստ լինելը, որոնցում արդէն միլիարդաւոր դոլարներ է ներդրել: Եթէ Թուրքմէնստանից Կասպից ծովով խողովակաշար չանցկացուի, Ադրբեջանը չի կարողանայ լցնել Թուրքիայի տարածքով կառուցուած խողովակաշարը:

Թուրքիայի տարածքով Եւրոպա գնացող ադրբեջանական խողովակը, որը չցանկանալով խրախուսում է Արեւմուտքը, ակնյայտօրէն հակասում է Իրանի ու Ռուսաստանի շահերին: Այն առանձնապէս չի բխում նաեւ այլ երկրների շահերից, եւ չի բացառւում, որ այդ նախագծերին աջակցում են միայն ադրբեջանական ներդրումները «փոշիացնելու» համար, ինչպէս Բաքու-Թբիլիսի-Կարս երկաթուղու դէպքում, որը մինչեւ հիմա չի սկսել աշխատել:

Պուտինի, Ռոհանիի եւ Ալիեւի չեղարկուած հանդիպումը յատկանշական է Հայաստանի վարչապետ Նիկոլ Փաշինեանի առաջարկի լոյսի ներքոյ: Յիշեցնենք, որ նա Իրանի նախագահին հրաւիրել է Երեւան, 2019 թուականի Հոկտեմբերի 1ին մասնակցելու ԵԱՏՄ գագաթնաժողովին:

Յատկանշական է նաեւ, որ Թուրքիան Նախիջեւան թռիչքների համար հրաժարուել է Հայաստանի եւ Իրանի օդային տարածքներն օգտագործելուց: Այս մասին յայտարարել է Թուրքիայի օդային տարածքի շահագործման ծառայութեան ղեկավար Հուսէյն Քեսքինը, յայտնում է ermenihaber.am-ը:

Նրա խօսքով, Օգոստոսի 15ից թռիչքներն իրականացուելու են նեղ միջանցքով, որը Թուրքիան կապում է Ադրբեջանին: Այդ միջանցքի լայնութիւնը 13 կմ. է:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top