Համօ Սահեանի Գիւղը Լուսաւորելու Աշխատանք Կը Տարուի

0817vivacell

0817vivacell

ԵՐԵՒԱՆ, «ՓանԱրմինըն».- Սիւնիքի մարզի Լոր գիւղը, որ Համօ Սահեանի ծննդավայրն է, կ՛ակնկալէ, որ իր տեղը ունենայ զբօսաշրջային քարտէզին վրայ, մանաւանդ որ անիկա ունի մշակութային հարուստ պատմութիւն։ Բայց եւ այնպէս գիւղը ունի նաեւ զանազան հարցեր, որոնց կարգին է գիւղի արտաքին լուսաւորութեան խնդիրը, որուն լուծման կ՛օժանդակեն «Վիւասել-ՄՏՍ» ընկերութիւնն ու Վայրի բնութեան ու մշակութային արժէքներու պահպանման հիմնադրամը (FPWC):

Լուսաւորութեան սիւներու տեղադրման աշխատանքները արդէն սկսած են, կը նախատեսուի տնտեսական ու բնապահպանական արդիւնաւէտութիւն ապահովող «Լետ» համակարգով լուսաւորել գիւղի մէկ հատուածը եւ տեղադրել 32 լուսարձակ: Աշխատանքային քարտէզին վրայ ընգրկուած է նաեւ անուանի բանաստեղծին տուն-թանգարանի տարածքը:

Գիւղի վարչական ղեկավար Դաւիթ Առուստամեան շատ կարեւոր նկատեց այս նախաձեռնութիւնը՝ համագիւղացիներու անվտանգութեան, զբօսաշրջութեան խրախուսման, եւ յատկապէս՝ բնակիչներուն ապրուստի բնական պայմաններ ստեղծելու առումով։ Անոր համաձայն՝ գիւղին մէջ լուսաւորման բացակայութիւնը բազմաթիւ վտանգաւոր հարցերու պատճառ կը դառնայ։

«Լորի արտաքին լուսաւորութիւնը բնակավայրի կարեւորագոյն խնդիրներից է: Գիւղում եղել են գայլերի յարձակման դէպքեր՝ գիշերային ժամերի: Խնդրի լուծումը կարեւոր է թէ՛ մարդկանց անվտանգութեան, թէ՛ էկոտուրիզմի զարգացման տեսանկիւնից: Այստեղ է գտնւում Համօ Սահեանի տուն-թանգարանը: Վստահ եմ, որ լուսաւորութիւնը կը նպաստի նաեւ զբօսաշրջութեան զարգացմանը», շեշտեց Դաւիթ Առուստամեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top