Մարդու Իրաւունքներու Պաշտպանը Աշխատանքային Խումբ Գործուղեց Ջերմուկ

0824Martou-Iravounk

0824Martou-Iravounk

ԵՐԵՒԱՆ, «Արմէնփրէս».- Ամուլսարի հանքի շահագործման վերաբերող իրադարձութիւններուն տեղւոյն վրայ ծանօթանալու համար, Մարդու իրաւունքներու պաշտպան Արման Թաթոյեանի յանձնարարութեամբ, աշխատանքային խումբ մը գործուղուեցաւ Ջերմուկ քաղաքը:

Այցելութեան ընթացքին նախատեսուած են քննարկումներ Գնդեւազ համայնքի բնակիչներուն, Ամուլսարի հանքի շահագործման դէմ հերթապահութիւն կատարող քաղաքացիներուն եւ քաղաքացիական հասարակութեան ներկայացուցիչներուն հետ: Առանձին քննարկումներ տեղի պիտի ունենան նաեւ Ջերմուկի համայնքապետարանին մէջ:

Նկատի ունենալով լրատուամիջոցներու եւ ընկերային ցանցերու հրապարակումները՝ առանձին դիտարկում պիտի կատարուի քաղաքին մէջ ոստիկանական ուժերու կուտակումներուն վերաբերեալ: Այս հարցով պաշտպանի աշխատակազմի թէժ գիծին հասցէագրուած են 3 ահազանգներ՝ Ջերմուկի բնակիչներէն:

Նշենք, որ Մարդու իրաւունքներու պաշտպան խումբը իր իրաւասութեան սահմաններուն մէջ կը շարունակէ եւ իր ուշադրութեան կիզակէտը կը պահէ Ամուլսարի հանքի շահագործման շուրջ տեղի ունեցող իրադարձութիւնները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top