Վարչապետը Ընդունեց ԱՄՀ Միջին Արեւելքի Եւ Կեդրոնական Ասիոյ Բաժանմունքի Տնօրէնը

 

ԵՐԵՒԱՆ, «Արմէնփրէս».- Հայաստանի վարչապետ Նիկոլ Փաշինեան ընդունեց Արժոյթի միջազգային հիմնարկի (ԱՄՀ-IMF) Միջին Արեւելքի եւ Կեդրոնական Ասիոյ բաժանմունքի տնօրէն Ժիհատ Ազուրը, որուն կ՛ընկերակցէր Հայաստանի մէջ հիմնադրամի մնայուն ներկայացուցիչ Եուլեա Ուսթիւկովա:

Վարչապետը նշեց, որ Հայաստանի եւ Արժոյթի միջազգային հիմնարկին միջեւ կայ արդիւնաւէտ համագործակցութիւն, եւ կառավարութիւնը հետամուտ է անոր զարգացման:

Ժիհատ Ազուր բարձր գնահատեց Հայաստանի կառավարութեան հետ համագործակցութիւնը եւ ընդգծեց, որ Հայաստան յուսալի գործընկեր է ԱՄՀի համար: Ան նշեց, որ հիմնարկը պատրաստ է փոխշահաւէտ գործակցութեան ծիրին մէջ աջակցելու Հայաստանի կառավարութեան՝ բարեփոխումները յաջողցնելու եւ երկրի տնտեսական յառաջընթացին վերաբերող ծրագիրներ իրականացնելու:

Հիւրին խնդրանքով, Նիկոլ Փաշինեան անդրադարձաւ Հայաստանի տնտեսութեան կառուցուածքի փոփոխութիւններուն, փտածութեան դէմ պայքարին, դատաիրաւական ոլորտի, պետական կառավարման համակարգի բարեփոխութիւններուն, ներդրումային միջավայրի բարելաւման, ենթակառուցուածքներու զարգացման եւ այլ ուղղութիւններով իրականացող քայլերուն ու միջոցառումներուն: Ազուր նշեց, որ ԱՄՀն կը սատարէ Հայաստանի կառավարութեան՝ երկրի տնտեսութիւնը բարեփոխելու ջանքերուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top