Ոչ Եւս Է Հեղինակաւոր Բեմագրող Մարտիկ Մարթին

Մարտիկ Մարթին
Մարտիկ Մարթին

Մարտիկ Մարթին

ԼՈՍ ԱՆՃԵԼԸՍ, «Նիւ Եորք Թայմզ».- Ամերիկայի գրողներու կաճառը կը տեղեկացնէ, թէ 11 Սեպտեմբերին, Սթիւտիօ Սիթիի իր բնակարանին մէջ կաթուածով մը մահացաւ 84ամեայ ամերիկահայ բեմագիր Մարտիկ Մարթին։

Մարտիկ Մարթին ծնած է Իրան։ Ան հասակ նետած է Իրաքի մէջ, ապա հաստատուած է Նիւ Եորք, ուր իր համալսարանական տարիներուն ծանօթացած է ամերիկացի հռչակաւոր բեմադրիչ Մարթին Սքորսէզիի հետ, որուն երեք ֆիլմերուն («Mean Streets», «New York, New York», «Raging Bull») բեմագրութիւններուն հեղինակը կամ համահեղինակն է:

Մարտիկ Մարթինի վերջին գործերէն մէկն էր Հայոց Ցեղասպանութեան մասին Ֆաթիհ Աքընի բեմադրած »Հատումը« (»The Cut«) ֆիլմին համահեղինակութիւնը:

Անոր կեանքին նուիրուած «Mardik: Baghdad to Hollywood» ժապաւէնը («Մարտիկ. Պաղտատէն Հոլիվուտ») հրապարակ հանուած էր 2008ին:

Մարտիկ Մարթին նաեւ բեմագրութիւն դասաւանդած է Նիւ Եորքի եւ Հարաւային Քալիֆորնիոյ համալսարաններուն մէջ։

Ընտանիքը փափաք յայտնած է, որ փոխան ծաղկեպսակի նուիրատուութիւններ կատարուին ՀՕՄի «Մայր» մասնաճիւղին, Մարտիկ Մարթինի անուան կրթական հիմնադրամ մը հաստատելու նպատակով (Armenian Relief Society/Mayr Chapter for Mardik Martin Education Fund, P.O. Box 27863, Hollywood, CA 90027)։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top