Գոյժ Տիրամայր Լուսին Քէշիշեանի

Տիրամայր Լուսին Քէշիշեան իր որդու՝ Արամ Ա. Վեհափառին հետ: (լուսանկար՝ Կիլիկիոյ Կաթողիկոսարանէն)
Տիրամայր Լուսին Քէշիշեան իր որդու՝ Արամ Ա. Վեհափառին հետ: (լուսանկար՝ Կիլիկիոյ Կաթողիկոսարանէն)

Տիրամայր Լուսին Քէշիշեան իր որդու՝ Արամ Ա. Վեհափառին հետ: (լուսանկար՝ Կիլիկիոյ Կաթողիկոսարանէն)

Թեմիս բարեխնամ Առաջնորդ Մուշեղ Արք. Մարտիրոսեան մեր Թեմի հաւատացեալ ժողովուրդին, խոր ցաւով կը գուժէ Մեծի Տանն Կիլիկիոյ Ս. Աթոռոյս Գահակալ ՆՍՕՏՏ Արամ Ա. Վեհափառ Հայրապետի մօր՝ Տիրամայր Լուսին Քէշիշեանի մահը, որ պատահեցաւ Շաբաթ, 14 Սեպտեմբեր 2019ին, Լիբանանի մէջ։

Այս տխուր առիթով, Առաջնորդ Սրբազանը, Թեմիս Կրօնական Ժողովը, Ազգային Վարչութիւնը, Հոգեւորականաց Դասն ու յարակից մարմինները ցաւակցութիւն կը յայտնեն Նորին Սուրբ Օծութեան, ընտանեկան պարագաներուն ու հարազատներուն։

Առաջնորդ Սրբազանի տնօրինութեամբ, Կիրակի, 15 Սեպտեմբերին, Թեմիս բոլոր եկեղեցիներուն մէջ, յընթացս Ս. Պատարագի, «Տէր Ողորմեա»ի յատուկ աղօթք բարձրացուեցաւ Տիրամօր յիշատակին։

Յուղարկաւորութեան արարողութիւնը տեղի պիտի ունենայ Չորեքշաբթի, 18 Սեպտեմբերին, Անթիլիասի Մայր Տաճարին մէջ։

Թող ամենակալն Աստուած յաւիտենական հանգիստ շնորհէ Տիրամօր բարի հոգիին եւ երկինքի արքայութեան արժանացնէ։

Յիշատակն արդարոյն օրհնութեամբ եղիցի։

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top