Ոչ Եւս Է Հանրածանօթ Երաժիշտ Ժագ Գոճեան

Ժագ Գոճեան
Ժագ Գոճեան

Ժագ Գոճեան

ՓՈՔՐԻԿ ՀԱՅԱՍՏԱՆ.- Երեքշաբթի, 17 Սեպտեմբերին, Կրանատա Հիլզի (Քալիֆորնիա) իր բնակարանին մէջ մահկանացուն կնքեց հանրածանօթ երաժիշտ Ժագ Գոճեան, երկարամեայ հիւանդութենէ ետք, շրջապատուած ընտանիքին անդամներով եւ սիրելիներով։ Մահուան սեմին, հանգուցեալին այցելեց նաեւ Վազգէն Ա. Քհնյ. Աթմաճեան։

Ժագ Գոճեան ծնած է Լիբանան, երաժշտասէր ընտանիքի մը մէջ եւ յատկանշական ներդրում ունեցած է արդի հայկական ժողովրդային երաժշտութեան զարգացման ջանքերուն մէջ։ Ան ելոյթներ ունեցած է Միջին Արեւելքի, Եւրոպայի, Ամերիկաներու, Աւստրալիոյ եւ Հայաստանի մէջ, ընկերակցելով յայտնի երգիչներու, ինչպէս՝ Մանուէլին, Ատիս Հարմանտեանին, Փօլ Պաղտատլեանին եւ Գառնիկ Սարգիսեանին։ Ան նաեւ շատ մը երգիչներու համար երաժտական մշակումներ կատարած է։

Անոր գործերէն ամենայայտնին է՝ Թաթուլ Այնէճեանի բանաստեղծութեան հիման վրայ յօրինուած «Վերջին Կիրակին», որ կատարուած է քանի մը երգիչներու կողմէ։

1970ականներուն ան հաստատուած է Քալիֆորնիա, ուր շարունակած է իր մշակութային գործունէութիւնը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top