Ա. Մ. Համահայկական Խորհուրդի Անդամ Կազմակերպութիւններու Թիւը Կը Հասնի 23ի

Արեւմտեան Ամերիկայի Համահայկական խորհուրդ
Արեւմտեան Ամերիկայի Համահայկական խորհուրդ

Արեւմտեան Ամերիկայի Համահայկական խորհուրդ

Արեւմտեան Ամերիկայի Համահայկական խորհուրդը իր աշխատանքներու մեկնարկը կատարեց 16 Օգոստոս 2019ին, երբ նաեւ ստորագրուեցաւ միացեալ յայտարարագիր մը, մեկնարկին ներկայ 20 կազմակերպութիւններու ներկայացուցիչներուն կողմէ:

Խորհուրդը իր անդրանիկ նիստը կատարեց 14 Սեպտեմբեր, 2019ին, երբ իր աշխատանքներուն եկան միանալու նաեւ հետեւեալ երեք հեղինակաւոր կազմակերպութիւնները.

  • Թէքէեան Մշակութային Միութիւն
  • Քեսապցիներու Ուսումնասիրաց Միութիւն
  • SEIU արհմիութեան հայկական բաժին

Ժողովը քննարկեց շարք մը օրակարգային ու կազմակերպչական հարցեր ու համապատասխան լուծումներ առաջադրեց անոնց համար:

Խորհուրդը նաեւ հիւրընկալեց Հայաստանի գլխաւոր հիւպատոս դոկտ. Արմէն Բայբուրդեանը, որ իր ողջոյնի խօսքին առընթեր նաեւ զեկուցեց վարչապետ Փաշինեանի այցին առնչուող մանրամասնութիւններ:

Խորհուրդը որոշեց իր յաջորդական ժողովները գումարել ամսական դրութեամբ:

Արեւմտեան Ամերիկայի Համահայկական խորհուրդը 23 կառոյցներու միացեալ խորհուրդն է, որ կը ծառայէ անդամ կազմակերպութիւններու միջեւ փոխհասկացողութիւն, գործակցութիւն եւ համախոհութիւն զարգացնելու՝ յանուն հայրենիքի, ազգի եւ համայնքին շահերուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top