Նշանակուեցան ԱԱԾի Եւ Ոստիկանութեան Ժամանակաւոր Պետերը

0920Nshanagoum

0920Nshanagoum

ԵՐԵՒԱՆ, «Արմէնփրէս».- Հայաստանի վարչապետ Նիկոլ Փաշինեանի որոշումով Ազգային անվտանգութեան ծառայութեան տնօրէնի տեղակալ Էդուարդ Մարտիրոսեան նշանակուեցաւ ԱԱԾի տնօրէնի պարտականութիւններու ժամանակաւոր կատարող, իսկ ոստիկանութեան պետի առաջին տեղակալ Արման Սարգսեան՝ ոստիկանապետի ժամանակաւոր պաշտօնակատար:

Աւելի ուշ Արման Սարգսեան գլխաւորեց աշխատանքային խորհրդակցութեան մը՝ ոստիկանութեան ղեկավար կազմին հետ։ Ան նշեց, որ ոստիկանութեան մէջ կը նախատեսուին հիմնարար փոփոխութիւններ, սակայն ասիկա չի նշանակեր, որ պէտք է սպասողական մթնոլորտի մէջ ծառայել՝ թուլցնելով աշխատանքային թափը, ընդհակառակը՝ անհրաժեշտ է ձեռքբերումները ամրապնդել, վերացնել առկայ թերութիւնները, եւ պէտք է կարճ ժամանակաշրջանի ընթացքին հասարակութիւնը տեսնէ նոր ոստիկանութիւն՝ աւելի արհեստավարժ, իրենց պարտականութիւններն ու իրաւունքները յստակ գիտակցող ծառայողներով համալրուած:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top