Հայ Դատը Նեցուկ Կը Կանգնի Փօլ Գրիգորեանի Ընտրապայքարին

Փօլ Գրիգորեան եւ անոր անձնակազմի պետ Գարօ Թորոսեան՝ Ամերիկայի Հայ Դատի յանձնախումբի Հիւսիսային Սան Ֆերնանտօ հովիտի մասնաճիւղի վարչութեան հետ
Փօլ Գրիգորեան եւ անոր անձնակազմի պետ Գարօ Թորոսեան՝ Ամերիկայի Հայ Դատի յանձնախումբի Հիւսիսային Սան Ֆերնանտօ հովիտի մասնաճիւղի վարչութեան հետ

Փօլ Գրիգորեան եւ անոր անձնակազմի պետ Գարօ Թորոսեան՝ Ամերիկայի Հայ Դատի յանձնախումբի Արեւելեան Սան Ֆերնանտօ հովիտի մասնաճիւղի վարչութեան հետ

ՆՈՐԹ ՀՈԼԻՎՈՒՏ.- Ամերիկայի Հայ Դատի յանձնախումբի Արեւելեան Սան Ֆերնանտօ հովիտի մասնաճիւղը կը տեղեկացնէ, թէ որոշած է նեցուկ կանգնիլ Լոս Անճելըսի քաղաքապետական խորհուրդի անդամ Փօլ Գրիգորեանի վերընտրութեան։

Գրիգորեան թեկնածու է քաղաքին երկրորդ ընտրատարածքի աթոռին։

Լոս Անճելըսի քաղաքապետական խորհուրդի ընտրութիւնները տեղի պիտի ունենան 3 Մարտին։

Լոս Անճելըսի քաղաքապետական խորհուրդի անդամ Փօլ Գրիգորեան

Լոս Անճելըսի քաղաքապետական խորհուրդի անդամ Փօլ Գրիգորեան

Ամերիկայի Հայ Դատի յանձնախումբի Արեւելեան Սան Ֆերնանտօ հովիտի մասնաճիւղի վարչութեան անդամ Րաֆֆի Արտալճեան դրուատեց քաղաքին եւ յատկապէս քաղաքի հայութեան ի նպաստ Գրիգորեանի որդեգրած քայլերը՝ վստահեցնելով, որ Հայ Դատը պիտի շարունակէ անոր հետ գործակցիլ, շրջանի հայութեան կարքիներուն հասնելու համար։

Իր կարգին, Ամերիկայի Հայ Դատի յանձնախումբիԱրեւելեան Սան Ֆերնանտօ հովիտի մասնաճիւղի ատենապետ Վիգէն Սոնենց Փափազեան կը յայտնէ, թէ Գրիգորեան 1990ականներէն ի վեր մօտէն գործակցած է Հայ Դատին հետ, յատկապէս հայութիւնը քաղաքականապէս աւելի գործօն դարձնելու ջանքերուն մէջ՝ աւելցնելով, որ ինչպէս անցեալին, այս ընտրութիւններուն եւս Հայ Դատը պիտի զօրակցի անոր ընտրապայքարին։

Յիշեցնենք, թէ Դեկտեմբեր 2009ին, Գրիգորեան պարտութեան մատնած էր իրմէ երեք անգամ աւելի ծախսած թեկնածուն, թափուր մնացած քաղաքապետական խորհուրդի աթոռի մը համար տեղի ունեցած արտակարգ ընտրութեան, շեշտը դնելով քաղաքապետութեան ընթացքը բարեփոխութեան ենթարկելու կարեւորութեան վրայ: Ան առաջին հայն է, որ մաս կը կազմէ Լոս Անճելըսի քաղաքապետական խորհուրդին։

Փօլ Գրիգորեան եւ անոր անձնակազմի պետ Գարօ Թորոսեան՝ Ամերիկայի Հայ Դատի յանձնախումբի վարչութեան հետ

Փօլ Գրիգորեան եւ անոր անձնակազմի պետ Գարօ Թորոսեան՝ Ամերիկայի Հայ Դատի յանձնախումբի վարչութեան հետ

Գրիգորեան կարեւոր դեր խաղցած է Հայոց Ցեղասպանութեան հարիւրամեակի պատմական քայլարշաւին կազմակերպումին ընթացքին քաղաքէն յատկանշական աջակցութիւն ապահովելու գործին մէջ, ինչպէս նաեւ Լոս Անճելըս-Երեւան եւ Լոս Անճելըս-Շուշի քոյր քաղաքներ համաձայնութիւններուն իրականացման մէջ, տարբեր առիթներով Հայաստան եւ Արցախ այցելելով։

Այս շաբաթավերջին, ան նաեւ պիտի հիւրընկալէ Հայաստանի վարչապետ Նիկոլ Փաշինեանը, համագործակցութեամբ քաղաքապետ Էրիք Կարսեթիի եւ Լոս Անճելըս գաւառի վերահսկիչներ՝ Քեթրին Պարկըրի եւ Հիլտա Սոլիսի։

Ինչպէս հաղորդած էինք, ան նաեւ խստօրէն դատապարտեց Լոս Անճելըսի քաղաքամէջը, Կիրակի, 22 Սեպտեմբերին տեղի ունենալիք Փաշինեանի հանրային ելոյթը արգիլելու ջանքերը, որոնք կատարուեցան Լոս Անճելըսի մէջ Ատրպէյճանի հիւպատոսարանին կողմէ։

Փօլ Գրիգորեան իր կեցուածքներով, իր արտայայտութիւններով, համայնքային կեանքին մէջ իր մշտական ներկայութեամբ, երիտասարդները քաղաքական ասպարէզ մղելու իր խրախուսանքով շահած է հայութեան զօրակցութիւնը եւ նիւթական ու բարոյական աջակցութիւնը ստանալու իրաւունքը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Mardig Madenjian said:

    ՈՉ ՄԻԱՅՆ ՀՈՎԻՏԻ ԱՅԼ ԱՄԲՈՂՋ ՀԱՅՈՒԹԵԱՆ ԹԵԿՆԱԾՈՒՆ Է ԵՒ ՊԷՏՔ Է ԹԻԿՈՒՆՔ ԿԱՆԳՆԻՆՔ ԱՄԷՆ ՁԵՒՈՎ:

*

Top