«Նոր Մարմարա»ի Նախկին Փոխխմբագիր Մաքրուհի Պ. Յակոբեանի Առաջնորդարան Այցելութիւնը

0000Co-editor of Marmara

 

0000Co-editor of Marmara

ԼԱ ՔՐԵՍՆԹԱ.- Ուրբաթ, 4 Հոկտեմբերին, Արեւմտեան Հայոց թեմի առաջնորդ Մուշեղ արք. Մարտիրոսեան ընդունեց այցելութիւնը Պոլսոյ «Նոր Մարմարա» օրաթերթի նախկին փոխխմբագրապետ Մաքրուհի Պ. Յակոբեանի, որուն կ՛ընկերակցէր անոր եղբայրը՝ Գէորգ Յակոբեան։

Հանդիպումը անցաւ մտերմիկ մթնոլորտի մէջ եւ առիթ եղաւ ընդհանուր գիծերու մէջ զրուցելու մեր գաղութին եւ Պոլսոյ հայ համայնքին կեանքը յուզող հարցերու շուրջ։

Յարգելի հիւրերը գոհունակութիւն յայտնեցին հանդիպումին համար, գնահատելով Ազգային առաջնորդարանին եւ ընդհանրապէս մեր եկեղեցւոյ դերը հայութեան կեանքին մէջ։ Այս առիթով, Մաքրուհի Յակոբեան իր «Անվերջակէտ Զրոյց՝ Մեր Գրականութեան Երախտաւորներուն Հետ» խորագրեալ գիրքը նուիրեց առաջնորդ սրբազան հօր։

Առաջնորդ սրբազանը շնորհակալութեան յայտնեց գիրքին եւ այցելութեան համար, յաջողութիւն մաղթեց անոնց ազգանուէր գործունէութեան եւ փոխանցեց յիշատակի նուէրներ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top