«ՆերՈւժ» Ծրագիրին Դիմելու Պայմանաժամը՝ 21 Հոկտեմբեր

0000Nerouj

0000Nerouj

ԵՐԵՐՒԱՆ.- Սփիւռքահա՞յ ես եւ նոր տեսակի «սթարթափ»ի (գործառնութեան-Խմբ.) գաղափարներ ունի՞ս: Փափաք ունի՞ս վերադառնալու Հայաստան եւ հիմնելու քու սթարթափը հայրենիքի մէջ: Եթէ այո՛, ուրեմն դիմէ «ՆերՈւժ» Սփիւռքի սթարթափ ծրագիրին, որ այս տարի կը կազմակերպուի Սփիւռքի գործերու գլխաւոր յանձնակատարի գրասենեակին եւ Հայաստանի բարձր արհեստագիտութեան արդիւնաբերութեան նախարարութեան կողմէ:

Ընտրութեան փուլը անցած դիմողները կարելիութիւնը պիտի ունենան 16էն 20 Դեկտեմբեր, Դիլիջանի Միջազգային դպրոցին մէջ մասնակցելու քառօրեայ հաւաքի մը, ծանօթանալու համար Հայաստանի սթարթափներու համակարգին, Հայաստանի մէջ զանազան գործերով զբաղուելու առաւելութիւններուն, համագործակցելու տեղացի գործընկերներու հետ եւ զարգացնելու իրենց գաղափարները:

Աւարտին, յաղթող խումբերը պիտի ստանան 15էն 30 հազար ամերիկեան տոլարի համարժէք  դրամաշնորհներ, ինչպէս նաեւ Հայաստանի մէջ իրենց սթարթափը հիմնելու համար ձեռնարկատիրական աջակցութիւն:

Այս տարի, «ՆերՈւժի»ի թիրախային տեղերն են՝ դրամական, ընկերային, կառավարման, կրթական, շարժական, ցանցային, գիւղատնտեսական արհեստագիտութիւնները, առողջապահութիւնը, մարդամեքենաներու շինութիւնը, երկրաչափական արուեստը եւ այլն:

Ծրագիրին գործընկերներն են՝ FAST-ի եւ IDeA-ի հիմնադիրները, UWC Դիլիջան համալսարանը  եւ ուրիշներ:

Պատրա՞ստ ես դիմելու. այցելէ http://neruzh.am/կայքը եւ ամբողջացուր դիմումը մինչեւ 21 Հոկտեմբեր:

 

(Թղթակցութիւնը՝ «ՆերՈւժ»էն)

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top