Կոմիտասի Նուիրուած Խորհրդանշական՝ «Կոմիտաս 150 Տարի/Րոպէ» Սկաւառակ

1012Gomidas

1012Gomidas

ԵՐԵՒԱՆ, «Արմէնփրէս».- Կոմիտասի 150ամեայ յոբելեանին առիթով Հանրային ռատիօն ձայնագրած է մեծ յօրինողին ստեղծագործութիւններու 180 կատարում, 9 ժամ երաժշտութիւն, զոր կ՛օգտագործուի Հանրային ռատիոյի եթերի ատեն: Կատարուած այդ աշխատանքին իբրեւ ծաղկաքաղ՝ «Հանրային»ը հրապարակեց «Կոմիտաս 150 Տարի/Րոպէ» բացառիկ եռասկաւառակ ալպոմը:

Ձայնասկաւառակին շնորհահանդէսը տեղի ունեցաւ 11 Հոկտեմբերին Հանրային ռատիոյի բակին մէջ, որուն ընթացքին ելոյթ ունեցան ալպոմի ձայնագրութեան մասնակցած կատարողներն ու համոյթները:

Նախագիծի գեղարուեստական խորհրդատու Վահան Արծրունի՝ անդրադառնալով նախաձեռնութեան կարեւորութեան, ըսաւ, որ իրենք Կոմիտասի գործերը ներկայացուցած են ո՛չ միայն բնագրային տեսքով, այլ նաեւ բոլոր ստեղծագործական դրսեւորումներով, որոնք տասնամեակներու ընթացքին եղած են:

«Ձայնապնակի վրայ պատկերուած է Կոմիտասը: Ընդգծել ենք նրա քաղաքացիական խրոխտ, հզօր կերպարը: Երբ բացում ենք եռասկաւառակը, մի սկաւառակի վրայ տեսնում ենք եկեղեցին, միւսի վրայ կռունկը, երրորդի վրայ՝ ծիրանի ծառը: Իւրաքանչիւր սկաւառակ սկսում է վերոնշեալ ստեղծագործութիւններով: Երբ սկաւառակները հանում էք պատեանից, տեսնում ենք Կոմիտասի ստորագրութիւնը», ըսաւ ծրագիրի արտադրիչ Էդգար Ամիրխանեան:

Ան շեշտեց, որ սկաւառակը պիտի բաժնուի բոլոր երաժշտական դպրոցներուն, մշակութային կրթօճախներուն եւ գրադարաններուն: Անիկա պիտի չվաճառուի։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top