ՖրանսացիՔաղաքապետը կոչ կ՛ուղղէ Մաքրոնին՝ Ֆրանսան Ներագրաւել Արցախի Միջազգային Ճանաչման Մէջ

1012France

1012France

ԵՐԵՒԱՆ.- 11 Հոկտեմբերին, Ստեփանակերտի մէջ բացումը կատարուեցաւ Արցախի բարեկամներու համաժողովին, որուն մասնակցեցան Արցախի հետ խորհրդարանական բարեկամութեան խումբերու ներկայացուցիչներ, պատուիրակութիւններ, որոնց մէջ նաեւ՝ Ֆրանսայի Հանրապետութեան պատուիրակութիւնը:

«Ֆրանսա-Արցախ» բարեկամական խումբի փոխնախագահ, Պուրկ լը Վալանսի քաղաքապետ Մարլեն Մուրի նամակ յղեց Ֆրանսայի նախագահ Էմանուէլ Մաքրոնին՝ կոչ ուղղելով Ֆրանսան ներգրաւելու Արցախի Հանրապետութեան միջազգային ճանաչման գործին մէջ:

«Իմ մեկնելէն առաջ ես պարզապէս կոչ կ՛ուղղեմ Ֆրանսայի Հանրապետութեան նախագահին՝ Ֆրանսան ներագրաւելու Արցախի Հանրապետութեան միջազգային ճանաչման գործին մէջ: Հակառակ ինծի դէմ եղած Ատրպէյճանի սպառնալիքներուն՝ ես կը հաստատեմ Էմանուէլ Մաքրոնին իմ ուղեւորութիւնս Արցախ՝ համապատասխան արցախցիներու հանդէպ իմ ստանձնած պարտաւորութիւններուն եւ իմ ունեցած արժէքներուն, որոնք կը միաւորեն Ֆրանսան եւ հայերը, որուն մենք չենք կրնար դաւաճանել», «Ֆէյսպուք»ի իր էջին վրայ գրեց Մարլեն Մուրի:

Ան նաեւ գրեց, որ ելոյթ պիտի ունենայ Արցախի Հանրապետութեան խորհրդարանին մէջ՝ նախագահ Բակօ Սահակեանի ներկայութեան:

«Ես կը խօսիմ՝ յիշեցնելու այն ամուր կապերը, որոնք հինգ տարի շարունակ ունին Պուրկ Լը Վալանսը եւ Շուշին: 2014 Հոկտեմբերին իմ գործընկեր Արծուիկ Սարգսեանի հետ ստորագրուեցաւ բարեկամութեան կանոնադրութիւն՝ վաւերացնելու երկու ժողովուրդներու համար ընդհանուր ե՛ւ խաղաղութեան, ե՛ւ մարդկութեան արժէքները: Բարեկամութիւնը չի կրնար չեղարկուիլ, անիկա կ՛ապրի», շեշտեց Մուրի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top