Սուրիոյ Ներխուժումին Դէմ Բողոքի Ցոյց՝ Թուրքիոյ Հիւպատոսարանին Առջեւ

1016protest

1016protest

ԼՈՍ ԱՆՃԵԼԸՍ.- Կիրակի, 13 Հոկտեմբերին, Արեւմտեան Ամերիկայի Հայ Դատի յանձնախումբին եւ ՀԵԴի, ինչպէս նաեւ տեղական քրտական կազմակերպութիւններու նախաձեռնութեամբ, բողոքի ցոյց մը տեղի ունեցաւ Լոս Անճելըսի մէջ թրքական հիւպատոսրանին առջեւ, մասնակցութեամբ մօտաւորապէս 500 ցուցարարներու։

Ցուցարարները դատապարտեցին հիւսիսային Սուրիա թրքական ներխուժումը եւ հոն տեղի ունեցող բարբարոսական սպանութիւնները ու քաղաքայիններու սպանութիւնները։

Ցոյցը մաս կը կազմէր աշխարհի տարածքին տեղի ունեցած հակաթրքական ցոյցերու շարքին։

Արդարեւ, «Նոր Յառաջ»ը կը հաղորդէ, թէ Փարիզի եւ Ֆրանսայի բազմաթիւ քաղաքներու մէջ  քրտական հիմնարկներ կազմակերպած էին ցոյցեր, հանրահաւաքներ, որոնք նաեւ լայն աջակցութիւնը գտան Սուրիոյ քրտաբնակ շրջանները թրքական ներխուժումը դատապարտող ոչ-քիւրտ շրջանակներու, ի շարս որոնց՝ հայերու։

Ամէնէն մեծ համախմբումը տեղի ունեցաւ Շաբաթ յետմիջօրէին, Փարիզի Հանրապետութեան հրապարակին վրայ, ուր բազմահազար ցուցարարներ վանկարկեցին՝ «Էրտողան՝ ահաբեկի՛չ»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top