ԵԱՀԿի Մինսկի Խմբակի Համանախագահները Հայաստանի Մէջ

1016Pashinian-Minsk

 

1016Pashinian-Minsk

ԵՐԵՒԱՆ, «Արմէնփրէս».- 15 Հոկտեմբերին Հայաստան այցելեցին ԵԱՀԿի Մինսկի խմբակի համանախագահներ՝ Սթեֆան Վիսքոնթի (Ֆրանսա), Էնտրու Շոֆըր (Միացեալ Նահանգներ), Իկոր Փոփով (Ռուսիա) եւ ԵԱՀԿի գործող նախագահի անձնական ներկայացուցիչ Անճէյ Քասփըրչիք, որոնք հանդիպումներ ունեցան Հայաստանի վարչապետ Նիկոլ Փաշինեանի եւ արտաքին գործոց նախարար Զօհրապ Մնացակեանի հետ։

Վարչապետը եւ ԵԱՀԿի Մինսկի խմբակի համանախագահները քննարկեցին Լեռնային Ղարաբաղի հիմնախնդրի խաղաղ լուծման գործընթացին վերաբերող հարցեր: Կողմերուն միջեւ վստահութեան ամրապնդման պարունակին մէջ ընդգծուեցաւ զինադադարի դրութեան ամրապնդման ուղղութեամբ քայլերու ձեռնարկման կարեւորութիւնը:

Անդրադարձ կատարուեցաւ ժողովուրդներուն խաղաղութեան նախապատրաստման անհրաժեշտութեան եւ անոնց վերաբերող քայլերուն:

Նախարար Զօհրապ Մնացականեանի հետ հանդիպումին ընթացքին անդրադարձ կատարուեցաւ այս տարուան Սեպտեմբերին Նիւ Եորքի մէջ Հայաստանի ու Ատրպէյճանի արտաքին գործոց նախարարներուն միջեւ կայացած քննարկումներուն եւ այդ հանդիպումէն ետք արձանագրուած զարգացումներուն: Կարեւոր նկատուեցաւ խաղաղութեան համար բարենպաստ միջավայրի ձեւաւորումը եւ սահմանին վրայ վերջին լարուածութեան նուազեցումը:

Նախարարն ու ԵԱՀԿի Մինսկի խումբի համանախագահները անդրադարձան խաղաղ լուծման գործընթացին մէջ կողմերու դիրքորոշումներուն, եւ այս առումով նախարար Մնացականեան ընդգծեց խաղաղ գործընթացին մէջ պարտաւորութիւններու համաչափութեան ապահովման անհրաժեշտութիւնը:

Զրուցակիցները միտքեր փոխանակեցին եռանախագահութեան ձեւաչափին մէջ իրականացուելիք հետագայ քայլերուն վերաբերեալ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top