Արամ Ա. Ընդունեց Համազգայինի Կեդրոնական Վարչութիւնը

0000HAMZKAYIN

0000HAMZKAYIN

ԱՆԹԻԼԻԱՍ.- Համազգայինի Կեդրոնական վարչութիւնը Ուրբաթ, 11 Հոկտեմբերին, հանդիպում ունեցաւ Արամ Ա. կաթողիկոսին հետ: Վեհափառը բարձր գնահատեց Համազգայինի գործունէութիւնը՝ հաստատելով, որ անիկա ունեցած է կարեւորագոյն դերակատարութիւն Սփիւռքի մէջ՝ հայապահպանման առումով ընդհանրապէս եւ հայ մշակոյթի պահպանման ու տարածման գործին մէջ մասնաւորաբար:

Կեդրոնական վարչութեան տարբեր շրջաններու ներկայացուցիչներ իրենց գոհունակութիւնը յայտնեցին Կիլիկիոյ կաթողիկոսութեան թեմերու առաջնորդ սրբազաններուն ցուցաբերած հոգածութեան եւ գործակցութեան համար:

Վեհափառ հայրապետը հետաքրքրուեցաւ Համազգայինի ընթացիկ եւ յառաջիկայ ծրագիրներով. Կեդրոնական վարչութեան ներկայացուցիչը համառօտ կերպով անդրադարձաւ վարչութեան գլխաւոր աշխատանքներուն՝ յոյս յայտնելով, որ վեհափառը սատար կը հանդիսանայ իր ծրագիրներուն:

Հայութիւնը յուզող շարք մը հարցեր արծարծելէ ետք, հայրապետը յաջողութիւն մաղթեց Համազգայինի Կեդրոնական վարչութեան՝ վերահաստատելով իր եւ Մեծի Տանն Կիլիկիոյ կաթողիկոսութեան ամբողջական զօրակցութիւնը Համազգայինի աշխատանքներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top