Գանատայի, Հիւսիսային Ամերիկայի Արեւելեան Եւ Արեւմտեան Թեմերու Առաջնորդներուն Այցելութիւնը Շամլեան Վարժարան

1017cham4

ԿԼԵՆՏԷՅԼ.- Հինգշաբթի, 10 Հոկտեմբերին մեր վարժարանին համար եղաւ պատմական օր, որովհետեւ Գանատայի, Հիսիսային Ամերիկայի արեւելեան եւ արեւմտեան թեմերու առաջնորդներուն՝ Բաբգէն արք. Չարեանի, Անուշաւան արք. Դանիէլեանի եւ Մուշեղ արք. Մարտիրոսեանի գլխաւորութեամբ, կրօնական դասի հոգեւորականները այցելեցին մեր վարժարանը:

Մուտքին, հոգեւորականները աղ ու հացով դիմաւորուեցան տնօրէնութեան եւ 8րդ կարգի աշակերտներուն կողմէ, որմէ ետք անոնք այցելեցին առաջին կարգի դասարանները, գրադարանը, ապա ուղղուեցան մարզասրահը, ուր 6րդ եւ 7րդ կարգերու աշակերտներուն կողմէ գործադրուեցաւ կոկիկ յայտագիր մը:

Աւարտին խօսք առաւ վարժարանիս տնօրէնուհին՝ դոկտ. Թալին Քարկոտորեան, որ ըսաւ. «Շամլեան վարժարան ձեր այցելութիւնը առանձնաշնորհում մըն է, ինչպէս նաեւ մեծ պատիւ եւ պարծանք, որովհետեւ արժանացանք ձեր հոգեւոր աղօթքներուն եւ օրհնութեան»:

Յայտագիրին աւարտին, առաջնորդ Մուշեղ արք. Մարտիրոսեան շնորհաւորեց աշակերտները իրենց տպաւորիչ ելոյթին համար, ապա հրաւիրեց Գանատայի առաջնորդ Բաբգէն արք. Չարեան, որ իր պատգամով եզրափակէ յայտագիրը:

Սրբազան հայրը խորապէս տպաւորուած աշակերտներուն ելոյթով, անոնց ցուցաբերած հայկական ոգին գնահատելով՝ լաւատեսութեամբ արտայայտուեցաւ նոր սերունդին ունենալիք դերակատարութեան՝ հայ ժողովուրդի գոյատեւման մէջ:

 

(Թղթակցութիւնը՝ վարժարանէն)

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top